Zui — heta Alena Zuj-Vajciachoŭskaja (viadomaja biełarusam jak vykanaŭca «Ščučynščyny» Jelena ŽałudOk) i Michaś Zuj (kupałaviec i ČynČyn).
Nad hučańniem biełaruskamoŭnaha alboma Arka pracavaŭ hukarežysior Vital Kuleŭski, u supracy ź jakim raniej źjavilisia albomy hurtoŭ ili-ili, «Dziecidziaciej» i pieršy albom Zui «Vopros».
«U scenarnaj spravie jość taki termin — arka piersanaža. Jon aznačaje šlach, što prajšoŭ hieroj, jahonuju transfarmacyju. Tak stałasia, što niekatoryja pieśni z našaha alboma my napisali daŭno, u Biełarusi. Tady my byli tolki napačatku tych transfarmacyj, što z nami adbylisia. I pra heta naš albom — stan čałavieka na parozie pieramien», — kaža Michaś.
«Hety albom — suviaź ź minułym, heta taja arka, što spałučaje nas ciapierašnich z nami, jakimi my byli da emihracyi i vajny», — dadaje Alena.
U paraŭnańni z debiutnym albomam «Vopros» novy albom bolš zmročny i bolš tancavalny. Ahresiŭny bit spałučajecca ź piaščotaj śpievaŭ, a nastalhičny sincivejv — jak adhałosak junactva — padkreślivaje iraničnaść tekstaŭ.
«Napeŭna, my jašče nie adzin hod śpiavali b pieśni vyklučna sabie pad nos i dla siabroŭ. Ale Pavieł Stankievič z fundacyi Tutaka prapanavaŭ zrabić naš albom padčas rezidencyj Teatralnaha instytuta imia Źbihnieva Rašeŭskaha i Domu tvorcaŭ u Biełastoku», — havoryć Alena.
Albom Arka užo dasiažny dla prasłuchoŭvańnia na stryminhavych płatformach: Spotify, Apple Music, Amazon.
Vokładku dla alboma stvaryŭ biełaruski mastak Alaksandr Adamaŭ.
-
Restaŭratary adnaŭlajuć znakamity žyrovicki ikanastas. Ale ŭ histaryčnym kolery ŭ manastyry jaho naŭrad ci pabačać
-
Pabialili ŭsio, da čaho zmahli daciahnucca. U kaściole ŭ Župranach, dzie pachavany Bahuševič, zrabili jeŭraramont
-
Minkult pazbaviŭ statusu pomnika architektury zharełuju carkvu ŭ Ściapankach. Kab nie adnaŭlać?
Ciapier čytajuć
Ci zakryjuć Jeŭropu dla biełarusaŭ? Daradca Cichanoŭskaj raspavioŭ, pra što damoviŭsia ŭ Bierlinie12
Kamientary