Zialenski paprasiŭ u ZŠA kryłatyja rakiety Tomahawk — The New York Times
Amierykanskaja hazieta The New York Times śćviardžaje, spasyłajučysia na ananimnyja krynicy, što ŭ sakretnaj častcy svajho «płana pieramohi» prezident Ukrainy Uładzimir Zialenski paprasiŭ u ZŠA kryłatyja rakiety Tomahawk.
Pa słovach surazmoŭcy haziety, nie nazvanaj pa imieni aficyjnaj asoby, ułady ZŠA adchilili hety zapyt jak całkam nierealistyčny jak pa palityčnych mierkavańniach, tak i pa abjektyŭnych pryčynach.
Dalokaść dziejańnia Tomahawk — 1500 milaŭ, heta značyć bolš za 2400 km. Z terytoryi Ukrainy imi prastrelvałasia b całkam usia jeŭrapiejskaja častka Rasii i vialikaja terytoryja za Urałam, da zachodnich rajonaŭ Omskaj vobłaści.
Pa-pieršaje, ZŠA z palityčnych mierkavańniaŭ nie dajuć Ukrainie dazvoł bić uhłyb terytoryi navat svaimi taktyčnymi rakietami ATACMS, u jakich dalokaść u šeść-siem razoŭ mienšaja. Pa-druhoje, kolkaść patencyjnych vajennych celaŭ u Rasiei našmat pieravyšaje kolkaść rakiet, jakija ZŠA tearetyčna mahli b addać, nie padryvajučy bajazdolnaści ŭłasnych uzbrojenych sił.
Pa słovach surazmoŭcy NYT, «Tamahaŭki», na dumku Zialenskaha, pavinny byli b stać elemientam «niajadziernaha strymlivańnia».
Aficyjny Kijeŭ hetuju publikacyju NYT pakul nie kamientavaŭ.
Rasija i Iran dziejničajuć u ZŠA suprać adzin adnaho. Pra heta śviedčać sakretnyja dakumienty
Zialenski aznajomiŭ jeŭrapiejskich lidaraŭ z «Płanam pieramohi»
Prezident Litvy nazvaŭ hałoŭnuju prablemu płana Zialenskaha
Michaił Padalak raskazaŭ, što źmiaščajecca ŭ sakretnych dadatkach da «płana pieramohi» Zialenskaha
U «płanie pieramohi» Zialenskaha jość punkt ab niajadziernym strymlivańni. Što heta moža być?
Zialenski prezientavaŭ «płan pieramohi»
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim3
Kamientary