Ministerstva zamiežnych spraŭ Łatvii maje infarmacyju pra 26 aryštavanych u Biełarusi žycharoŭ Łatvii, paviedamiła ahienctvu LETA pres-sakratar MZS Dyjana Ehlicie.
Jana padkreśliła, što pradstaŭnictva Łatvii ŭ Viciebsku akazvaje im nieabchodnuju i mahčymuju konsulskuju padtrymku, ale takaja dapamoha abciažaranaja z-za adsutnaściu viaršenstva zakona ŭ hetaj krainie, a taksama minimizacyjaj supracoŭnictva ź Biełaruśsiu ŭ śfiery pravasudździa i inšych halinach paśla ŭvarvańnia Rasii va Ukrainu.
Ehlicie adznačyła, što ŭ Biełarusi nie vykonvajecca pryncyp niezaležnaści sudovych orhanaŭ, što značna pavyšaje ryzyku ŭźniknieńnia fiktyŭnych spraŭ suprać hramadzian ES. U suviazi z hetym i inšymi ryzykami biaśpieki MZS nastojliva rekamienduje hramadzianam Łatvii nie jeździć u Biełaruś, piša Delfi.lv.
Raniej stała viadoma, što ŭ Biełarusi zatrymany hramadzianin Łatvii, jak miarkujecca Emiłs Asarys, jaki adpraviŭsia ŭ Biełaruś na aŭtamabili.
U toj ža čas u Rasii ŭ 2024 hodzie zatrymali 13 hramadzian Łatvii.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary
Jany jeduć, kab nabyć akcyi biełaruskich pradpryjemstvaŭ, kab pakłaści hrošy na depazyt u Biełarusbank, kab ukłaścisia ŭ nieruchomaść "Mienskśvietu" i "Kamiennaj horki", zatavarycca ablihacyjami Ministerstva finansaŭ, kab prydbać dolu pieradavych kałhasaŭ, inšych pradpryjemstvaŭ sielskahaspadarčaj vytvorčaści, dy hłynuć śviežaha pavietra j pradukcyi Alivaryi.