Prajaśniŭsia los hramadzianina Łatvii, jaki tydzień tamu źnik u Biełarusi
U Dziaržaŭnym mytnym kamitecie Biełarusi paviedamili pra zatrymańnie 23-hadovaha hramadzianina Łatvii Emiłsa Asarsa, jaki pajechaŭ u Biełaruś i źnik. Jak śćviardžaje viedamstva, jon byŭ zatrymany z 1,06 hrama rečyva amfietamin, schavanaha pad čachłom mabilnaha telefona.
«Hramadzianin ujechaŭ u krainu na aŭtamabili Cadillac SRX praz punkt propusku «Hryharaŭščyna». Sabaka mytnaj słužby adrazu adčuŭ pieramiaščeńnie zabaronienych rečyvaŭ. Hramadzianin spačatku admoviŭsia ad hetaha faktu. Padčas ahladu jaho asabistych rečaŭ viciebskija mytniki znajšli amfietamin. I tolki tady hramadzianin patłumačyŭ, što niebiaśpiečny psichatrop jon vykarystoŭvaje, kab nie zasnuć za rulom. Praviedzienaja ekśpiertyza paćvierdziła, što 1,06 h — heta vialiki pamier dla hetaha vidu psichatropnych rečyvaŭ», — havorycca ŭ pres-relizie viedamstva.
U vyniku łatyša zatrymali, u dačynieńni da jaho zaviedzienaja kryminalnaja sprava pa č. 2 art. 328-1 KK.
Pavodle infarmacyi ad svajakoŭ, Emiłs Asars vyjechaŭ u Biełaruś ranicaj 11 vieraśnia. Asars kiravaŭ aŭtamabilem Chrysler i pavinien byŭ advieźci znajomuju žančynu ŭ Vierchniadźvinsk. Jon płanavaŭ ujechać u Biełaruś praz pamiežny punkt «Paternijeki — Hryharoŭščyna» kala 10:00.
12 vieraśnia na telefon svajakoŭ pastupiŭ zvanok ź biełaruskaha numara, u jakim śćviardžałasia, što Asarsa zatrymała milicyja.
Rezanans, jaki atrymała historyja sa źniknieńniem Asarsa ŭ łatvijskaj presie, Mytny kamitet nazyvaje «pravakacyjami», bo, maŭlaŭ: «Mytnia apieratyŭna paviedamiła MZS Łatvii i svajakam hramadzianina pra jaho zatrymańnie».
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary
Chotia eta auditorija nieprobivajemaja. Siejčas načtut tvierdiť, čto narkotu łatyšu podkinuli.