Kamandujučy SSA zajaviŭ, što vajskovy śpiecnaz hatovy da vybaraŭ
Hienierał Vadzim Dzienisienka zapeŭniŭ, što pry patrebie vajskoŭcy sił śpiecapieracyj hatovyja znoŭ dušyć lubuju niezadavolenaść naroda.
Na telekanale STB vyjšła intervju z kamandujučym Sił śpiecyjalnych apieracyj US RB Vadzimam Dzienisienkam. Hienierała spytali i pra vybary, jakija projduć praz try miesiacy.
«Ja spadziajusia, što hetyja vybary ŭ nas buduć prachodzić spakojna, płanava, jak u respublicy zaŭsiody isnavała. Budzie nieabchodnaść — značycca, budziem pracavać, my hatovyja», — zajaviŭ Dzienisienka.
Vajskovy śpiecnaz braŭ udzieł u zadušeńni pratestaŭ 2020 hoda. 11 žniŭnia ŭ Breście pratestoviec Hienadź Šutaŭ byŭ zastreleny kapitanam bryhady SSA z Marjinaj Horki Ramanam Haŭryłavym. Na sudzie, jaki pryznaŭ vinavatym Šutava, stała viadoma, što hienierał Dzienisienka addaŭ zahad vydać aficeram śpiecnaza bajavuju zbroju i vysunucca ŭ padmacavańnie AMAPu.
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale9
Kamientary