U Krymie lvy zahryźli supracoŭnicu parku. Hod tamu žyvioł pryvieźli z Maryupala
Supracoŭnica parku lvoŭ «Tajhan» u Krymie Leakadzija Pieravałava zahinuła 16 kastryčnika padčas uborki kletki z tryma drapiežnikami.
Žančyna nie začyniła zasaŭku dźviarej pamiž dvuma pamiaškańniami kletki. U vyniku lvy napali na žančynu, pryčyniŭšy joj śmiarotnyja traŭmy, piša ahienctva TASS.
Dyrektar parku Aleh Zubkoŭ paviedamiŭ, što supracoŭniki, jakija prybyli na miesca, užo nie mahli akazać jakuju-niebudź dapamohu Pieravałavaj. Pavodle jaho słoŭ, lvoŭ, jakija razadrali supracoŭnicu, usyplać nie buduć.
U dzień zdareńnia išoŭ praliŭny doždž, i heta mahło spravakavać napad, pakolki padčas zalevy lvy pavodziać siabie asabliva, vykazaŭ zdahadku dyrektar.
«Mianie žachnuła toje, što lvy, niahledziačy na toje, što jany byli sytyja, zdarovyja, mocnyja, jany nie prosta zabili, a jašče i abhryźli, pačali hryźci nohi [Pieravałavoj]. U hetym žach, tamu što, kali lvy pakaštavali čałaviečaha miasa, jany stanoviacca ludajedami»,
— raskazvaŭ Zubkoŭ «Iźviestijam».
Lvy, jakija napali na žančynu, źjavilisia ŭ «Tajhanie» tolki hod tamu. Ich pryvieźli tudy z Maryupalskaha zaaparka.
Paśla zdareńnia raspačali kryminalnuju spravu pa fakcie parušeńniaŭ patrabavańniaŭ achovy pracy, jakija paciahnuli pa nieaściarožnaści śmierć čałavieka (č. 2. 143 KK RF).
41-hadovaja Leakadzija Pieravałava pačynała pracavać rabočaj pa dohladzie žyvioł, zatym stała dyrektaram Jałcinskaha zaaparka «Kazka». Žančyna była daśviedčanym śpiecyjalistam i navučała inšych supracoŭnikaŭ, jak pavodzić siabie z drapiežnymi žyviołami.
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Da-da. V samoj korrumpirovannoj stranie Jevropy s piensijami po 100 baksov, ich kormile horazdo boleje łučšie, vot eto vsie.