Bresckaha žurnalista abvinavačvajuć u «zdradzie dziaržavie». Jaho zatrymali paśla viartańnia z Rasii
Padčas pajezdki da svajakoŭ u Daniła Palanskaha byŭ incydent z supracoŭnikami FSB, piša BAŽ
Žurnalist-fryłansier Danił Palanski byŭ zatrymany, najvierahodniej, 19 vieraśnia paśla viartańnia na radzimu z Rasii. Dakładnaja data nieviadomaja, ale paźniej ź im źnikła suviaź.
Na pačatku vieraśnia Danił Palanski jeździŭ u Rasiju da svajakoŭ. U darozie zdaryŭsia incydent z rasijskimi siłavikami. Jaho aŭtamabil spynili supracoŭniki FSB i paśla źvinavacili ŭ administracyjnym parušeńni za niepadparadkavańnie — nibyta jon admoviŭsia pakazvać dakumienty.
«Danił kazaŭ, što na toj momant jaho pašpart byŭ u rukach rasijskaha siłavika, — raspaviadaje adzin sa znajomych Palanskaha. — Paźniej, kali jon viarnuŭsia ŭ Brest, jaho zatrymali supracoŭniki KDB».
Ad pačatku mierkavałasia, što zatrymali za niejkaje administracyjnaje pravaparušeńnie. Ale dniami stała viadoma pra raspačatuju kryminalnuju spravu. Daniłu Palanskamu inkryminujuć artykuł 356 Kryminalnaha kodeksa RB — «Zdrada dziaržavie». Jaho źmiaścili pad vartu ŭ SIZA.
Daniłu Palanskamu 53 hady. U jakaści videaapieratara ŭ svoj čas supracoŭničaŭ ź dziaržaŭnymi i kamiercyjnymi telekanałami, a taksama ź niezaležnymi rehijanalnymi sajtami. U apošnija hady byŭ viadomy ŭ Breście jak vałancior pošukava-vyratavalnaha atrada «Anioł».
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada22
Kamientary