Zachadu nie ŭdałosia zadušyć Biełaruś i Rasiju. Pra heta Alaksandr Łukašenka zajaviŭ na sustrečy ŭ Kramli z Uładzimiram Pucinym 9 kastryčnika, piša BiełTA.
«Što tyčycca našych adnosin, samaja hałoŭnaja vysnova, jak ja miarkuju, — Zachad pastaviŭ pierad saboj płany zadušyć nas, pierš za ŭsio ŭ ekanomicy, finansach, — nie atrymałasia. Jany ŭžo sami heta pryznajuć», — skazaŭ jon.
«Vy pravilna zaŭvažyli — my zrabili staŭku paśla raspadu Savieckaha Sajuza na zachavańnie i raźvićcio taho, što było. Jano spatrebiłasia. Siońnia my razam pracujem pa vielmi mnohich napramkach, vyrablajem tavary. Jany ŭ asnoŭnym znachodziać popyt u Rasijskaj Fiederacyi. Rasija maje patrebu ŭ tych tavarach, jakija my vyrablajem. Ad sielskaj haspadarki da mikraelektroniki. Vy pravilna pra heta skazali», — adznačyŭ Alaksandr Łukašenka.
Jon nahadaŭ, što jašče raniej baki damovilisia ab uzmacnieńni kaapieracyi na pierśpiektyvu pa mnohich pytańniach. «Toje, što my siońnia robim», — dadaŭ jon.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary