Upieršyniu sa žniŭnia kandydat ad Respublikanskaj partyi ZŠA Donald Tramp vyrvaŭsia napierad u pieradvybarnaj honcy.
Praŭda, pra heta kažuć nie apytańni, a bukmiekierski rynak, na jakim karystalniki staviać hrošy na pieramohu adnaho z kandydataŭ, paviedamlaje Bild.
Asnoŭny impuls pajšoŭ ad płatformy Polymarket. U pačatku hetaha tydnia šancy Trampa na pieramohu tut składali 53,3%, Charys — 46,1%.
Napiaredadni litaralna za niekalki hadzin rejtynh Trampa vyras amal na try pracentnyja punkty. Pry hetym za apošnija dni nie było prykmietnych padziej, jakija mahli b kardynalna źmianić chod pieradvybarnaj honki.
Jak piša vydańnie Forbes, za rezkim skokam stavak na Trampa mohuć stajać zajavy samaha bahataha čałavieka ŭ śviecie Iłana Maska, jaki padtrymaŭ respublikanca padčas vystupu ŭ horadzie Batler u minułyja vychodnyja.
Akramia taho, adzin z karystalnikaŭ pad nikam Fredi9999 zrabiŭ staŭku na Trampa pamieram adrazu ŭ čatyry miljony dalaraŭ.
U adroźnieńnie ad inšych płatformaŭ, na Polymarket niama vierchnich abmiežavańniaŭ na sumu, jakuju možna pastavić.
Jak by tam ni było, u siarednim pa ŭsich apytańniach hramadskaj dumki ŭ ZŠA Charys usio jašče apiaredžvaje Trampa na dva pracentnyja punkty. Hety pakazčyk praktyčna nie źmianiajecca ŭžo bolš za miesiac.
Prezidenckija vybary projduć u ZŠA 5 listapada.
Ciapier čytajuć
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary
Čamu ŭ mnohich ludziej niama ahidy, imunitetu suprać "narcysaŭ" (pytańnie i da biełarusaŭ u 1994-m)?
"Forbes" za 2024 pisaŭ, što samy bahaty Bernard Arnault, Elon Musk na druhim miescy.
Možacie čarhovy raz nakrucić dyzpadabajki dy abzyvać "pucinskim botam", ale heta prosta fakty.