Siłaviki zatrymali mužčynu za łajk pad videa pra incydent u Mahilovie
Blizki da HUBAZiKa kanał zajaviŭ, što mužčyna «ŭchvaliŭ dziejańni ekstremista».
Na videa siłavikoŭ bačna, što mužčynu, miarkujučy pa ŭsim, vyciahnuli z mašyny, pakłali tvaram u ziamlu i nadzieli jamu kajdanki.
Sam zatrymany kaža, što pastaviŭ łajk u «Adnakłaśnikach» pad videa pra incydent u Mahilovie. Nahadajem, 23 vieraśnia žychar abłasnoha centra Alaksandr Kandryčyn adbivaŭsia ad siłavikoŭ u cyvilnym nažom.
Jakoje mienavita videa łajkaŭ zatrymany mužčyna, a taksama dzie jon žyvie, nie paviedamlajecca. Taksama nieviadomy i jahony status. Kanał siłavikoŭ abvinavaciŭ jaho ŭ tym, što jon «uchvaliŭ dziejańni ekstremista».
Kamientary