Prapaleścinskija aktyvisty chočuć pravieści akcyju ŭ Bierlinie ŭ hadavinu ŭvarvańnia bajevikoŭ CHAMAS u Izrail
7 kastryčnika spoŭnicca roŭna hod z taho momantu, jak bajeviki CHAMAS napali na Izrail — u toj dzień terarysty zabili bolš za 1200 čałaviek i pavieźli jašče kala 250 u jakaści zakładnikaŭ u siektar Haza, piša Bild.
Pry hetym 7 kastryčnika na vulicy haradoŭ Hiermanii płanujuć vyjści prapaleścinskija aktyvisty — jany ŭžo zapłanavali bujnyja mitynhi. Bierlinskaja palicyja, u pryvatnaści, rychtujecca da maštabnych biesparadkaŭ padčas akcyj.
«Kali nam znoŭ pryjdziecca sutyknucca z ahidnaj nianaviściu da habrejaŭ, zaklikami da źniščeńnia Izraila, isłamisckaj terarystyčnaj prapahandaj abo napadami na słužby ekstranaj dapamohi, to palicyja pavinna ŭmiašacca chutka i žorstka. Palicyjanty, dla jakich hety dzień budzie składanym, karystajucca majoj poŭnaj padtrymkaj», — zajaviła ŭ intervju vydańniu Tagesspiegel ministr unutranych spraŭ Nensi Fiezier.
Pavodle jaje słoŭ, 7 kastryčnika — heta dzień žałoby i pieražyvańniaŭ za vykradzienych zakładnikaŭ».
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?1
Kamientary