Licenzijnaje prahramnaje zabieśpiačeńnie ŭ Biełarusi nie pieravyšaje 15% rynku

Pavodle acenak ekśpiertaŭ, licenzijnaje prahramnaje zabieśpiačeńnie ŭ Biełarusi pa‑raniejšamu nie pieravyšaje 15% ahulnaha rynku PZ.

Pra heta 16 lutaha na pres‑kanfierencyi ŭ Minsku zajaviŭ Alaksandr Pankoŭ — dyrektar kampanii «Aksoft», jakaja źjaŭlajecca adnym ź viadomych pastaŭščykoŭ licenzijnaha prahramnaha zabieśpiačeńnia ŭ Biełarusi.

«Na biełaruskim rynku pa‑raniejšamu dastatkova vialikaja kolkaść pirackaha PZ. Razam z tym, u našaj krainie stvorany peŭnyja padraździaleńni, va ŭzajemadziejańni ź jakimi my sprabujem sioleta źmianić situacyju na rynku PZ, pavialičyŭšy dolu licenzijnaj pradukcyi», — zaznačyŭ dyrektar.

Pavodle jaho słoŭ, fakty śviedčać ab pavyšeńni cikavaści karystalnikaŭ da licenzijnaha prahramnaha zabieśpiačeńnia. Tak, niahledziačy na kryzisny dla biełaruskaj ekanomiki pieryjad, kampanija «Aksoft» pa vynikach 2009 hoda pavialičyła abjomy prodažu licenzijnaha PZ bolš čym na 20%. Uzrasła i dylerskaja sietka kampanii: rost skłaŭ 50%, na siońnia partniorskaja sietka achoplivaje bolš jak 250 IT‑kampanij pa ŭsioj Biełarusi.

Alaksandr Pankoŭ źviarnuŭ uvahu na tendencyju, što prasočvajecca ŭ źmianieńni hieahrafii dylerskaj sietki. U 2009 hodzie adbyłosia pavieličeńnie doli partnioraŭ, jakija aktyŭna pracujuć u rehijonach Biełarusi. Kali ŭ 2008 hodzie 72% partniorskaj sietki «Aksoft» składali dylery ź Minska i Minskaj vobłaści, to za minuły hod kolkaść rehijanalnych partnioraŭ značna pavialičyłasia. U vyniku dola partnioraŭ ź Minska i vobłaści skaraciłasia da 53%.

U chutkim časie «Aksoft» płanuje aktyŭny vychad u roźničny siehmient, pracuje nad pašyreńniem partfiela praduktaŭ, što pastaŭlajucca na terytoryju Biełarusi. Sioleta taksama zapłanavany šerah mierapryjemstvaŭ, skiravanych na pavyšeńnie daśviedčanaści ab pieravahach vykarystańnia licenzijnaha prahramnaha zabieśpiačeńnia.

***

Kampanija «Aksoft» źjaŭlajecca dystrybjutaram i viadučym pastaŭščykom šyrokaha śpiektru prahramnaha zabieśpiačeńnia na rynku Biełarusi: apieracyjnych sistem, ofisnych prahram, hrafičnych pakietaŭ, srodkaŭ raspracoŭki, antyvirusnaj abarony i inšych. Źjaŭlajecca dystrybjutaram i aficyjnym partnioram bolšaści viadučych suśvietnych vytvorcaŭ prahramnych praduktaŭ. U lik partnioraŭ kampanii ŭvachodziać sistemnyja intehratary, pastaŭščyki prahramnaha zabieśpiačeńnia, zborščyki kampjuteraŭ i inšyja arhanizacyi, jakija pracujuć u śfiery infarmacyjnych technałohij.

• 0
• 0
• 0
• 0
• 0
• 0
• 0
• 0