«A kolki zarablaje vaš muziej?» Łatuška raskazaŭ, jak prasiŭ Łukašenku nie addavać budynak na Frunze śledčym
U budynku ŭ styli kłasicyzmu płanavałasia raźmiaścić Nacyjanalny histaryčny muziej, ale paśla jaho addali siłavikam.
Budynak na vulicy Frunze pieradali Śledčamu kamitetu ŭ studzieni 2012 hoda. Tady Pavieł Łatuška byŭ ministram kultury.
Jon raskazaŭ «Jeŭraradyjo», jak sprabavaŭ abaranić prava histaryčnaha muzieja na hety budynak.
«Paśla taho jak źjaviłasia pahroza pieradačy budynka na adras Śledčaha kamiteta, mnoj jak ministram kultury byŭ inicyjavany šerah zvarotaŭ u administracyju Łukašenki. U vyniku na abjekt vyjazdžaŭ tahačasny dziaržsakratar Rady biaśpieki Leanid Malcaŭ, jakomu ja pradstaviŭ situacyju, jakaja skłałasia i nastojvaŭ na tym, što niedapuščalna pieradać hety abjekt Śledčamu kamitetu.
Hety budynak znachodzicca ŭ centry horada, maje adpaviednaje źniešniaje architekturnaje abličča i najlepšym čynam pasuje Nacyjanalnamu histaryčnamu muzieju.
Treba addać naležnaje, što Malcaŭ abiacaŭ chadajničać ab mahčymym pošuku inšaha budynka dla Śledčaha kamiteta. Adnak hetyja sproby nie mieli pośpiechu», — raskazaŭ Łatuška.
Nieŭzabavie jon padniaŭ hetaje pytańnie na publičnaj sustrečy Łukašenki z talenavitaj moładździu ŭ Nacyjanalnaj biblijatecy.
«Ja pamiataju reakcyju Łukašenki, jaki mnie na naradzie publična skazaŭ: «A kolki zarablaje vaš Nacyjanalny histaryčny muziej? Jaki dachod jon prynosić dziaržavie?»
Hetyja słovy prahučali vielmi cynična. Pieravodzić na finansava-hrašovyja adnosiny historyju krainy, vychavańnie moładzi dla niezaležnaj dziaržavy… Ja paryravaŭ: a jakija finansavyja dachody prynosić dziaržavie Śledčy kamitet?
Pamiataju, ja tady skazaŭ: kali vy naviedvajecie jeŭrapiejskija stalicy, naprykład, Vienu, Vilniu, Rym, vy ž bačycie, dzie, u jakich budynkach znachodziacca hałoŭnyja muziejnyja abjekty hetych krain. I ŭ toj ža momant złaviŭ siabie na dumcy, što Łukašenka na toj momant užo nie naviedvaŭ hetych stalic. Paśla ŭ jaho byli tolki pajezdki ŭ Vilniu, u Vienu — ale nie bolš za toje», — uspomniŭ Łatuška.
Pavodle jaho słoŭ, usie nastupnyja sproby pakinuć budynak za muziejem nie mieli efiektu.
Histaryčny muziej zastaŭsia ŭ starym budynku na Karła Marksa. Niadaŭna było anansavana budaŭnictva novaha kompleksu Nacyjanalnaha histaryčnaha muzieja pobač z Pałacam Niezaležnaści na miescy byłoha parku Dreamland.
Biezydejnaja i biezhustoŭnaja chałtura. Kancepcyju novaha histaryčnaha muzieja dla Łukašenki rychtavali ŭ śpiešcy
Łukašenku prezientavali kancepcyju novaha budynka Nacyjanalnaha histaryčnaha muzieja. Dzie jon raźmieścicca?
Dla sabačak i kocikaŭ. Ci zasialilisia ŭ novuju rezidencyju Łukašenki dabračynnyja fondy?
«Arabski šejch zasunuŭ dalary ŭ kišeniu». Błohier Vadimati Jermašuk ciapier pracuje achoŭnikam luksavych bucikoŭ3
Kamientary
Nu, svaje nohi, viadoma, ni dnia ŭ žyćci nia biŭ, nie paličycie zusim ŭžo cielepniem