«Pakul što tolki Biełaruś adznačyłasia źbićciom rasijskich šachiedaŭ».
Vystupajučy na XX štohadovaj sustrečy Jałcinskaj jeŭrapiejskaj stratehii prezident Ukrainy Uładzimir Zialenski narakaŭ na sajuźnikaŭ, što jany źbivajuć iranskija rakiety ŭ niebie na Blizkim Uschodzie, ale tak i nie pryniali rašeńnia ab supolnym źbićci rasijskich rakiet i iranskich šachiedaŭ nad Ukrainaj.
«Kali my ŭvieś čas uźnimajem heta pytańnie z našymi partniorami, usie namahajucca jaho, kali ščyra, zahavaryć. I bajacca navat skazać: «My pracujem nad hetym». Navat hetych słoŭ bajacca. I heta praŭda. Pakul tolki Biełaruś adznačyłasia źbićciom rasijskich šachiedaŭ, — skazaŭ Zialenski.
Apošnija słovy vyklikali śmiech i apładysmienty prysutnych u zale.
«Ja nie dumaŭ, što ŭ takim farmacie heta budzie, i liču, što heta prynižalna dla mocnaha demakratyčnaha śvietu», — dadaŭ prezident Ukrainy.
Ciapier čytajuć
Studentak biełaruskich VNU abaviazali terminova zapoŭnić ankietu z paznačeńniem svajho rostu74
Kamientary