Zialenski: Abaviazkova nastanie čas volnaj Biełarusi, Biełarusi ŭ Jeŭropie
U svaim vystupleńni na Kanfierencyi pa adnaŭleńniu Ukrainy Uładzimir Zialenski zhadaŭ pra Biełaruś.
Siońnia ŭ Bierlinie pačała rabotu Kanfierencyja pa adnaŭleńni Ukrainy — Ukraine Recovery Conference. Udzieł u joj prymajuć bolš za 2000 palitykaŭ, dypłamataŭ, pradstaŭnikoŭ biznesu, miascovych uład, hramadzianskaj supolnaści z roznych krain. Siarod ich kancler Hiermanii Ołaf Šolc i staršynia Jeŭrakamisii Ursuła fon der Lajen.
U svaim vystupleńni na adkryćci kanfierencyi Ołaf Šolc paabiacaŭ dać Ukrainie treciuju sistemu Patriot, ustanoŭki IRIS-T, Gepard, rakiety i bojeprypasy.
Ursuła fon der Lajen paabiacała dać Ukrainie 1,9 miljarda jeŭra da kanca hetaha miesiaca dla padtrymki reform i inviestycyjnych stratehij, jakija pryniała Ukraina.
Prezident Ukrainy Uładzimir Zialenski padziakavaŭ za padtrymku i zaklikaŭ da inviestycyj u adnaŭleńnie krainy, pieradusim u enierhasistemu. Asobnuju častku svajho vystupleńnia jon pryśviaciŭ palityčnamu aśpiektu supracoŭnictva.
«Jak by ni źmianialisia nastroi ŭ Jeŭropie, fakt našaj realnaści taki — Jeŭrasajuz patrebny ŭsim jeŭrapiejcam biez vyklučeńnia, kožnaj nacyi, jakaja padzialaje ahulnyja kaštoŭnaści Jeŭropy i choča žyć u miry.
Ukraincy — takaja nacyja, jak i našy susiedzi ŭ Małdovie, jak narod Hruzii, jak dziaržavy Bałkanaŭ i inšych, chto pavažaje Jeŭropu, svabodu i vierchavienstva prava», — adznačyŭ Zialenski i padkreśliŭ:
«Abaviazkova nastanie čas svabodnaj Biełarusi, Biełarusi ŭ Jeŭropie».
Bližejšym časam buduć vyzvaleny bolš za 150 palitźniavolenych39
Kamientary