Deputat: «Košt kvadratnaha mietra nie pavinien pieravyšać siaredniamiesiačnaha zarobku». Nakolki heta realna?
U stalicy kvadrat u novabudoŭlach bieź dziaržpadtrymki ciapier kaštuje ad $1150. Heta značna vyšej za siaredni zarobak pa krainie.
Mietr žytła za miesiac pracy
Deputat Siarhiej Kazačok zajaviŭ, što košt kvadratnaha mietra nie pavinien pieravyšać pamier siaredniaj zarpłaty pa krainie. U pryvatnaści, kali havorka idzie pra budaŭnictva žylla dla małazabiaśpiečanych słajoŭ nasielnictva i žylla, jakoje budujecca pa lhotnych kredytach dla maładych i šmatdzietnych siemjaŭ.
Kazačok pierakonvaje, što cana kvadratnaha mietra pavinna być rehulavanaj, a rentabielnaść pry budaŭnictvie takich abjektaŭ nie pavinna pieravyšać 5%.
Siaredni naličany zarobak pa stanie na lipień 2024 hoda składaŭ u Biełarusi 2355 rubloŭ — abo kala $740. Praŭda, kali ličyć zarobak čystymi, to zastaniecca 2025 rubloŭ (kala $635). Nieviadoma, jakuju ź ličbaŭ maje na ŭvazie deputat.
Paraŭnajem, jak suadnosiacca zarobki z cenami na žyllo. Spačatku pahladzim na nieruchomaść u rehijonach.
Tak, naprykład, u Hrodnie kvadrat u novabudoŭli ad «Hrodnažyłbud» kaštuje 1800-1900 rubloŭ va ŭžo hatovym panelnym 19-paviarchovym domie. Pa anałahičnych cenach pradajuć kvatery ŭ novabudoŭlach i ŭ Mahilovie. I heta zvyčajnaje rynkavaje žyllo bieź jakoj-niebudź dziaržaŭnaj padtrymki.
Vychodzić, što zajava deputata ŭ pieršuju čarhu adnosicca da Minska, dzie košt žylla značna vyšejšy, čym u rehijonach?
U stalicy kvadrat u novabudoŭlach bieź dziaržpadtrymki pačynajecca z cany ŭ $1150, ci kala 3680 rubloŭ. Heta značna vyšej nie tolki za siaredni naličany zarobak pa krainie, ale i pa Minsku, dzie, pa apošnich danych, zarpłata składaje 3103 rubli.
Ci mahčyma dasiahnuć ahučanuju metu?
Pra formułu «1 m² žytła = adna siaredniemiesiačnaja zarpłata pa krainie» čynoŭniki kažuć nie pieršy raz.
Tak, naprykład, u 2013 hodzie Andrej Kabiakoŭ, tady kiraŭnik Administracyi prezidenta, zajaŭlaŭ, što sabiekošt kvadratnaha mietra pry budaŭnictvie panelnaha žylla ŭ Minsku składaje kala $550-650. U toj čas košt kvadratnaha mietra ŭ panelnych damach dasiahaŭ $1300.
Temu abmiarkoŭvali i viasnoj-letam 2023 hoda. U mai minułaha hoda ministr architektury i budaŭnictva Rusłan Parchamovič paviedamiŭ, što sabiekošt adnaho kvadratnaha mietra žylla, jakoje zdavali ŭ ekspłuatacyju na pačatku 2023 hoda, składaŭ 1500 rubloŭ. Heta kala 500 dalaraŭ pa tahačasnym kursie.
Dla paraŭnańnia, siaredni zarobak za toj ža pieryjad dasiahaŭ 1730 biełaruskich rubloŭ.
Taksama viasnoju 2023 hoda vyjšła pastanova Saŭmina, u jakoj havaryłasia pra pryniaćcie mier pa rehulavańni koštu budaŭnictva žylla ź dziaržaŭnaj padtrymkaj, kab siaredni košt kvadratnaha mietra takoha žylla nie pieravyšaŭ siaredniamiesiačnuju zarpłatu.
Kali supastavić uzrovień siaredniaj zarpłaty pa krainie (2355 rubloŭ) i canu kvadrata ź dziaržpadtrymkaj, pa jakoj letaś pradavali kvatery ŭ domie na vulicy Vałhahradskaj (2320 i 2428 rubloŭ), to atrymlivajecca, što dasiahnuć abiacańnia realna. Tym bolš na nosie novaja elektaralnaja kampanija.
Ź miesiac tamu Biełarusbank źmianiŭ praviły vydačy lhotnych kredytaŭ dla čarhavikoŭ, jakija majuć patrebu ŭ palapšeńni žyllovych umoŭ.
Lhotnaja staŭka ŭ 12,5% zastajecca, ale ciapier uviedzieny terytaryjalny pryncyp. Kali raniej možna było stajać u čarzie na palapšeńnie žyllovych umoŭ u lubym horadzie i nabyć kvateru pa lhotnym kredycie ŭ Minsku, to ciapier hetaha zrabić nielha.
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary