Ministr infarmacyi: U Biełarusi pakul nie płanujecca zakryvać YouTube
Marat Markaŭ zajaviŭ, što praŭładnyja ŚMI vydatna zakryvajuć svaju infarmacyjnuju prastoru i daminujuć na joj.
Biełaruskija ŭłady nie płanujuć zakryvać servis videachostynhu YouTube, zajaviŭ ministr infarmacyi Biełarusi Marat Markaŭ. Pra heta jon skazaŭ u čaćvier na cyrymonii adkryćcia pieršaha praŭładnaha biełaruskaha multymiedyjnaha partała Videobel.by, piša «Sputnik».
«Ja b ździviŭsia, kali b nie zadali pravakacyjnaje pytańnie. My nie chočam zabaranić YouTube. Pastanoŭka pytańnia takaja, na moj pohlad, navat nie zusim pravilnaja», — zajaviŭ Markaŭ.
Pavodle jaho słoŭ, ciapier buduć vykarystoŭvacca ŭsie instrumienty, jakija na siońnia pracujuć na karyść krainy.
«Jak tolki my adčujem pahrozu z boku luboha pastaŭščyka pasłuhi, my budziem adekvatna dziejničać. Adekvatna, suraźmierna, dypłamatyčna. Ale siońnia nie staić zadača», — padkreśliŭ kiraŭnik viedamstva.
Ministr raspavioŭ, što praŭładnyja ŚMI vydatna zakryvajuć svaju infarmacyjnuju prastoru i daminujuć na joj.
«Papularnyja dziaržaŭnyja ŚMI za apošnija dva hady, pra heta śviedčać sacdaśledavańni, praktyčna ŭ paŭtara raza vyraśli. Što nam daviarajuć. Unutry my zabiaśpiečvajem infarmacyjnuju biaśpieku. Zadača — zvonku danieści», — paviedamiŭ ministr.
Pry heta jon jašče raz zapeŭniŭ, što niama zadačy niešta zakryvać, ale ŭdakładniŭ: kali «na nas nie buduć napadać».
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary