Kino1010

Vyjšaŭ trejler «Čornaha zamka» pa ramanie Uładzimira Karatkieviča VIDEA

U novaj ekranizacyi «Čornaha zamka Alšanskaha» ad «Biełaruśfilma», źniataj rasijskim režysioram, biełarusam adviedzieny roli druhoha płana.

Kadr z trejlera filma «Čorny zamak»

U centry siužeta — małady prafiesar Anton Kośmič, jaki vyvučaje historyju krainy i mistyčnym čynam pieranosicca ŭ Siaredniaviečča. Hałoŭnamu hieroju treba razhadać tajamnicy minułych tysiačahodździaŭ. Padziei buduć razhortvacca ŭ sučasnaści i ŭ časy Vialikaha Kniastva Litoŭskaha.

Kanał «Śviaščenny Biełavud» źviartaje ŭvahu, što ŭ filmie siarod vykanaŭcaŭ hałoŭnych rolaŭ spres rasijskija akciory: rolu Antona Kośmiča syhraje Jaŭhien Švarc, Aleny — Linda Łapińš, Łyhanoŭskaha — Jaŭhien Styčkin, kniazia Vitaŭta Alšanskaha — Vital Kiščanka. Biełaruskija akciory taksama jość, ale fihurujuć tolki na druhim i trecim płanach.

Film pa scenaryi pradziusara Hleba Špryhava źniaŭ rasijski režysior Kirył Kuzin, aŭtar stužak «Samy lepšy film», «Vajna pałoŭ», «Zalotčyki». Špryhaŭ užo dva dziesiacihodździ robić televizijnyja sieryjały roznaj jakaści pra vajnu i śpiecsłužby: «Major Vietraŭ», «Apošni bronieciahnik», «Čorny sabaka», «Tankist», «Akušerka».

Kinastudyja «Biełaruśfilm» vykupiła pravy na ekranizacyju ramana «Čorny zamak Alšanski» bolš za 10 hadoŭ tamu ŭ plamieńnicy Karatkieviča, ale hrošy na realizacyju znajšlisia tolki ciapier.

Doktar Łyhanoŭski i Anton Kośmič u vykanańni rasijskich akcioraŭ Jaŭhiena Styčkina i Jaŭhiena Švarca. Kadr z trejlera filma «Čorny zamak»

Zdymki filma pačalisia ŭ krasaviku 2023 hoda. Naturnyja siužety, u adroźnieńnie ad raniejšaha filma na hetuju temu, stvoranaha ŭ 1984 hodzie Michaiłam Ptašukom, zdymali ŭ Biełarusi. Maršrut byŭ pabudavany ŭ try dziasiatki łakacyj. U tym liku ŭ kadry musili apynucca Mirski zamak, siadziba Čapskich u Pryłukach, kaścioł Śviatoj Vieraniki ŭ vioscy Sielišča i mnohija inšyja pomniki architektury. Z kaściołam u Sieliščy ŭ mai taho ž hoda adbyłasia biada — abvaliłasia vialikaja častka ściany, tak što nie fakt, što jon źjavicca ŭ filmie.

12 vieraśnia stužku pakazali ŭ kinateatry «Biełaruś» dziaržaŭnaj presie i miedyjščykam. U prakat film vyjdzie 12 śniežnia. 

Zdymki filma na starym młynie ŭ vioscy Dvoryšča Lidskaha rajona. Fota: «Lidskaja hazieta»

«Naša Niva» — bastyjon biełaruščyny

PADTRYMAĆ

Kamientary10

  • Vojtek
    14.09.2024
    Sramata.....
  • Astap
    14.09.2024
    Nie vyhladaje na surjoznaje kino. Z cudoŭnaha ramana zrabili trećciesortnaje fentazi
  • a Jesianievič tam jość?
    14.09.2024
    nu prosta inciaresna

Ciapier čytajuć

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?

Usie naviny →
Usie naviny

Ajcišnik pierajechaŭ u Hiermaniju i ŭ 40 hadoŭ staŭ paštaljonam1

«Padrezać aŭtobus — taki sabie varyjant». Nahladny prykład, jak nielha pavaročvać

Źjaviłasia videa kałony fur, jakija ŭdzielničali ŭ śpiecapieracyi SBU «Pavucińnie»2

U bajach na Danbasie va ŭkrainski pałon trapiŭ 54-hadovy biełarus Siarhiej3

KDB pravioŭ pieratrusy va ŭdzielnikaŭ apytańniaŭ Biełaruskaj analityčnaj majsterni2

Karotkija teksty ad štučnaha intelektu zamiest spasyłak — Google zapuściŭ novuju sistemu pošuku4

Aryštavany čynoŭnik, jaki moh stać nastupnym ministram achovy zdaroŭja11

Śpiecpradstaŭnik ZŠA prakamientavaŭ ataki ŭkrainskich dronaŭ pa rasijsikich aeradromach padčas apieracyi SBU «Pavucińnie»9

«Abražaŭ relihiju i Boha». Čačency zajavili, što błohiera ŭ Maskvie nie vykrali, a «prafiesijna zatrymali» siłaviki5

bolš čytanych navin
bolš łajkanych navin

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?

Hałoŭnaje
Usie naviny →

Zaŭvaha:

 

 

 

 

Zakryć Paviedamić