ZŠA abviaścili ab vydzialeńni Ukrainie dadatkovaj dapamohi na 250 miljonaŭ dalaraŭ
Pientahon abviaściŭ 6 vieraśnia ab vydzialeńni dadatkovaj dapamohi z metaj zadavalnieńnia krytyčna važnych patrebaŭ Ukrainy ŭ śfiery biaśpieki i abarony. Prykładny košt pakieta składaje 250 miljonaŭ dalaraŭ, jon uklučaje rakiety dla sistem SPA, bojeprypasy dla rakietnych sistem i artyleryi, braniatechniku i supraćtankavuju zbroju.
Ministr abarony ZŠA Łojd Ościn (sprava) sa svaim ukrainskim kaleham Rustemam Umieravym. Fota: AP Photo/Mark Schiefelbein
U novy pakiet amierykanskaj dapamohi ŭvachodziać:
- rakiety RIM-7 i padtrymka dla SPA;
- rakiety Stinger;
- bojeprypasy dla vysokamabilnych artyleryjskich rakietnych sistem (HIMARS);
- 155-mm i 105-mm artyleryjskija bojeprypasy;
- kiravanyja pa pravadach supraćtankavyja rakietnyja kompleksy (BGM-71 TOW);
- supraćtankavyja sistemy Javelin i AT-4;
- bajavyja mašyny piachoty Bradley;
- bronietransparciory M113;
- mašyny z abaronaj ad minaŭ i zasadaŭ (MRAP);
- bojeprypasy i hranaty dla strałkovaj zbroi;
- patrulnyja katary;
- marskoje navučalnaje abstalavańnie;
- abstalavańnie i bojeprypasy dla padryvaŭ;
- a taksama zapasnyja častki, dapamožnaje abstalavańnie, pasłuhi, navučańnie i transpart.
ZŠA praciahnuć supracoŭnictva pryblizna z 50 sajuźnikami i partniorami praz kantaktnuju hrupu abarony Ukrainy, imknučysia zadavolić nieadkładnyja patreby Ukrainy ŭ spravie abarony ad rasijskaj ahresii, padkreślivajecca ŭ zajavie Biełaha doma.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3636
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie36
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1515
Kamientary