Telegram abnaviŭ palityku, dazvoliŭšy karystalnikam paviedamlać maderataram ab «niezakonnym kantencie» ŭ pryvatnych hrupach.
Raniej paviedamlałasia, što ŭsie «čaty Telegram i hrupavyja čaty źjaŭlajucca pryvatnymi» (za vyklučeńniem kanałaŭ i botaŭ) i administracyja miesiendžara «nie apracoŭvaje nijakija zapyty, źviazanyja ź imi».
Zaraz skazana, što «va ŭsich dadatkach Telegram jość knopki «paskardzicca», jakija dazvolać «usiaho za niekalki naciskańniaŭ paviedamlać maderataram ab niezakonnym kantencie».
Dla hetaha treba nacisnuć na paviedamleńnie abo ŭtrymlivać jaho, paśla čaho ŭspłyvaje mieniu, dzie pavinna być hetaja knopka.
Jak śviedčać zachavanyja kopii staronki FAQ, abnaŭleńni ŭ palityku Telegram byli ŭniesienyja mienš za sutki tamu. U tym liku ź niedastatkovaj maderacyjaj kantentu byli źviazanyja pretenzii da Telegram francuzskich uładaŭ, a taksama paŭdniovakarejskich, jakija znajšli dypfejki parnahrafičnaha źmiestu ŭ pryvatnych hrupach.
Kamientary