Vajna11

Ukrainski FPV-dron upieršyniu źbiŭ rasijski «Łancet»

Tolki za apošnija tydni žniŭnia ŭkrainskija bieśpiłotniki-pierachopniki źbili bolš za sotniu rasijskich bieśpiłotnikaŭ-raźviedčykaŭ. Ale likvidacyja «Izdielija-51» zdaryłasia chiba što ŭpieršyniu.

Ukrainian FPV drone successfully shot down a new modification of Russian kamikaze drone "Lancet" Ukrainskij bieśpiłotnik FPV uśpiešno śbił novuju modifikaciju rośsijskoho bieśpiłotnika-kamikadzie «Łanciet» Ukrainski FPV-dron paśpiachova źbiŭ novuju madyfikacyju rasijskaha drona-kamikadze "Łancet"
Momant ataki. Skryn videa: ssternenko / Telegram

U sacyjalnych sietkach źjaviłasia videa, na jakim pakazana, jak ukrainski FPV-dron 11 bryhady Nacyjanalnaj hvardyi Ukrainy imia Michajła Hrušeŭskaha źbivaje rasijski bieśpiłotnik «Łancet».

Zapis raźmiaściŭ ukrainski vałancior Siarhiej Sternienka. Pa jaho słovach, nachvardziejcy źbili novuju madyfikacyju «Łanceta» — «Izdielije-51», zdolnuju lotać na dystancyju zvyš 50 kiłamietraŭ.

«Jon chacieŭ atakavać adzin z našych abjektaŭ, ale nie siońnia, poskudź, nie siońnia», — napisaŭ vałancior.

Internet-vydańnie «Militarny» adznačaje, što ŭkrainskija vajskoŭcy ŭsio čaściej pierachoplivajuć BPŁA praciŭnika z dapamohaj dronaŭ. Tolki za apošnija tydni žniŭnia ŭkrainskija bieśpiłotniki-pierachopniki źbili bolš za sotniu rasijskich bieśpiłotnikaŭ-raźviedčykaŭ.

Zvyčajna heta bieśpiłotniki vajskovaha kłasa: Supercam S350, ZALA 421-16E i «Arłan-10», jakija vykarystoŭvajucca rasijskim bokam dla raźviedki pryfrantavoj i tyłavoj terytoryi Ukrainy i dla naviadzieńnia artyleryi i baražujučych bojeprypasaŭ.

Videa momantu paśpiachovaj ataki na «Izdielije-51». Krynica: VideoMilitarnyiNews / YouTube

Sam ža pierachop robicca ŭ asnoŭnym madernizavanymi dla takich zadač FPV-bieśpiłotnikami z askiepkava-fuhasnaj bajavoj častkaj kantaktnaha dziejańnia abo z dystancyjnym padryvam. Choć viadoma, što niekatoryja apieratary praktykujuć i inšyja mietady źbivańnia, u pryvatnaści, taran.

Jak piša vydańnie, źbić varožy dron-kamikadze ŭdałosia z dapamohaj madyfikavanaha FPV-drona-pierachopnika.

Aŭtar tvitar-kanała Status-6 (Military & Conflict News) zaŭvažaje, što heta chiba što pieršy zafiksavany vypadak paśpiachovaha źniščeńnia rasijskaha «Izdielija-51».

novaja viersija rasijskaha latalnaha bojeprypasu ZALA Lancet pad nazvaj "Izdielije 51" Novaja viersija rośsijskoho barražirujuŝieho bojepripasa ZALA Łanciet pod nazvanijem «Izdielije 51» new version of a Russian ZALA Lancet loitering munition called "Izdeliye 51"
Novaja viersija rasijskaha latalnaha bojeprypasa ZALA Lancet pad nazvaj «Izdielije 51». Fota: Status-6 / Twitter 

Rasijskija baražujučyja bieśpiłotniki «Łancet» stali adnoj z samych vialikich niebiaśpiek dla ŭkrainskaj armii. Praciŭnik ich vykarystoŭvaje dla źniščeńnia braniatechniki i artyleryi dy inšych važnych abjektaŭ na poli boju i ŭ blizkim tyle.

Vykarystańnie bieśpiłotnikaŭ u jakaści mietadu supraćpavietranaj abarony — heta novaja ideja, jakuju ŭpieršyniu na praktycy ŭ režymie realnaj vajny realizavali Uzbrojenyja siły Ukrainy. Ich padšturchnuŭ da hetaha deficyt kłasičnych srodkaŭ supraćpavietranaj abarony va ŭmovach supraćstajańnia z našmat bolš mocnym praciŭnikam.

Kamientary1

  • Bienia
    07.09.2024
    A rakietu ballističieskuju słabo?

Ciapier čytajuć

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Usie naviny →
Usie naviny

Kamandujučym siłami NATO ŭ Jeŭropie moža stać naščadak biełaruskich imihrantaŭ u ZŠA10

Turcyja — ad 1600 jeŭra, Jehipiet — kala 1800 dołaraŭ, i «tanny» Tajłand. Kolki kaštuje letni adpačynak z vyletam ź Minska

Vyjšaŭ «Liła i Ścič» — na dziva kranalny film, jaki vybiŭsia ŭ top pa zborach u prakacie

Vierchni horad i Rakaŭskaje pradmieście čakaje vialikaje pieraŭtvareńnie. Što źmienicca?3

Aktyvisty Greenpeace u Paryžy skrali z muzieja vaskovuju fihuru Makrona i prynieśli jaje da pasolstva Rasii1

Ukraina pačała vytvorčaść dronaŭ-pierachopnikaŭ dla zmahańnia z šachiedami1

Donald Tusk źvierniecca da Siejma z prośbaj pra votum davieru dla ŭrada

Zianon Paźniak adpraviŭ sardečnyja vinšavańni Karalu Naŭrockamu57

Uładzimir Ceśler pa-mastacku adreahavaŭ na bulbiany deficyt u Biełarusi

bolš čytanych navin
bolš łajkanych navin

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić