Va Ukrainie zajavili, što stvaryli svaje drony-kamikadze, jakija pavinny stać adkazam rasijskim «Łancetam»
Ukraina raspracavała anałah rasijskaha drona-kamikadze «Łancet». Jaho nazvali «Piarun». Ciapier idzie maštabavańnie prajekta. Pra heta zajaviŭ vice-premjer Ukrainy Michaił Fiodaraŭ, piša Liga.net.
«My ciapier zajmajemsia maštabavańniem, jość dakładnaje bačańnie pa terminach i kolkaści. Siońnia «Łancet» — heta dastatkova efiektyŭnaja zbroja. My analizujem statystyku prymianieńnia. Kožny miesiac vyrablajuć sotni «Łancetaŭ», heta vialikaja pahroza», — skazaŭ Fiodaraŭ.
Jon zaznačyŭ, što Ukraina pavinna raźvivać srodki radyjoelektronnaj baraćby, jakija buduć abaraniać ad dronaŭ «kožnuju adzinku techniki na froncie».
«Vajna pierachodzić u baraćbu inžynieraŭ», — skazaŭ ministr.
Ukrainski «Łancet» budzie nasić nazvu «Piarun».
«Łancety» — adzin z najbolš efiektyŭnych instrumientaŭ rasijskich vojskaŭ na linii frontu. Rasijanie vykarystoŭvajuć hetyja drony dla paškodžvańnia bujnych celaŭ nakštałt artyleryjskich sistem i srodkaŭ SPA.
Vypuskajecca ŭ ciažkaj (12 kh, «Łancet-3») i lohkaj (5 kh, «Łancet-1») viersijach.
Źbić hety BPŁA paśla taho, jak pry dapamozie naviadzieńnia «Arłana» ci inšaha raźvieddrona jon užo nakiravany na cel, vielmi składana. Mierkavany košt adnaho «Łanceta» — kala $35 000.
23 červienia 2023 hoda Jeŭrasajuz uvioŭ sankcyi suprać rasijskaha vytvorcy «Łancetaŭ».
Ciapier čytajuć
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju1
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1212
Kamientary
Śmiech skvoź ślozy hriadiot)