Białuchu pa mianušcy Chvałdzimir znajšli miortvaj u subotu ŭ Narviehii. Jak zahinuła žyvioła, jakuju, mierkavana, Rasija vykarystoŭvała dla špijanažu, pakul nieviadoma.
Pra śmierć kita paviedamiła niekamiercyjnaja arhanizacyja, jakaja zajmałasia jaho abaronaj, piša The New York Times.
Hety kit pryciahnuŭ uvahu hramadskaści ŭ 2019 hodzie. Jon zabłytaŭsia ŭ rybałoŭnych sietkach u Narviehii, i kali rybak jaho vyzvalaŭ, zaŭvažyŭ na im šlejku, pryznačanuju, mierkavana, dla kamiery. Na ryštunku byŭ nadpis «Ryštunak Pieciarburh 2019». Kit kamfortna adčuvaŭ siabie ŭ asiarodździ ludziej i imknuŭsia da kantaktu ź imi, vyhladaŭ pryručanym. Ekśpierty paličyli tady, što hety kit pravioŭ u niavoli bolšuju častku svajho žyćcia.
Zaołahi vykazali zdahadku, što białucha prachodziła padrychtoŭku dla špijanažu na adnoj z rasijskich vajskovych baz i mahła źbiehčy adtul abo być vypuščanaj na zadańnie, ale pa šlachu stracić videakamieru.
Raniej rasijskaje dziaržTB raskazvała, što ŭ ich jość prahrama navučańnia kitoŭ-białuch, ciuleniaŭ i delfinaŭ dla vykarystańnia ŭ vajskovych metach.
Imia Chvałdzimir kitu dali narviežcy. Heta spałučeńnie słova hval (kit) i imia Uładzimir.
Chvałdzimiru było kala 15 hadoŭ.
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary