«Da 23 hadkoŭ kupiła druhuju mašynu i nie źbirajusia spyniacca»: alimpijskaja pryziorka Alina Harnaśko pachvaliłasia Tesla
Biełaruskaja himnastka i alimpijskaja pryziorka Alina Harnaśko raspaviała ŭ instahramie, jak paradavała sama siabie.
Spartsmienka apublikavała fotazdymki novaj mašyny — šykoŭnaj Tesla Model Y u zialonym kolery — i pachvaliłasia, što nabyła jaje ŭ maksimalnaj kamplektacyi. Pakupkaj spartsmienka vielmi zadavolenaja: «Skažu ščyra, zadavolena vielmi, dalikatna, chutka, płaŭna, zručna i, kaniečnie, vielmi pryhoža. Łaŭlu pozirki vydatnaha horada M. Pryzvyčajusia da zaradak i kajfuju ad kiravańnia (a asabliva ad aŭtapiłota)».
Nie bieź iłžyvaj ścipłaści Harnaśka dadała, što da 23 hadoŭ kupiła druhuju mašynu i nie źbirajecca spyniacca na dasiahnutym. U minskich sałonach košt na takuju Tesla pačynajecca ad 38, 3‑53 tysiač dalaraŭ.
Nahadajem: Alina Harnaśko zavajavała bronzavy miedal u mastackaj himnastycy na Alimpijskich hulniach u Tokia i paśla hetaha adrazu pačała kazać pra svaje mary pra nastupnuju Alimpijadu ŭ Paryžy. Talenavitaja spartsmienka, jakoj raniej pradkazvali vialikuju budučyniu, padtrymlivaje łukašenkaŭski režym: u 2020 hodzie jana padpisała praŭładny list, a ŭ 2021 chvaliłasia ŭ instahramie, što pacisnuła ruku Alaksandru Łukašenku.
U 2023 hodzie Harnaśko razam ź Viktaram Łukašenkam udzielničała va ŭračystym adkryćci kramy IROS (prezientavałasia jak nacyjanalny brend spartyŭnaha adzieńnia). Alina tady stała aficyjnym tvaram novastvoranaha brendu.
Ale ž luboŭ da režymu zrabiła mary pra novuju Alimpijadu popiełam: vystupać u Paryžy Harnaśko nie dazvolili (chacia jana była hatovaja vystupać navat pad niejtralnym ściaham). Napiaredadni ŭračystaj cyrymonii adkryćcia Alimpijskich hulniaŭ spartsmienka zapisała sumny ryłs.
Tym nie mienš Alina praciahvaje zarablać na tym, što pravodzić majstar-kłasy ŭ Jeŭropie — naprykład, u Ispanii.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary
Dzieŭka budzie na troch jeździć ?
Skončyć jak Kabajeva ) Buduć joj dziaciej pužać )