Biełarusam nie treba budzie zdavać bijamietryju pry ŭjeździe ŭ Rasiju
U Rasii pačynajecca ekśpierymient pa zdačy bijamietryi na miažy.
Ekśpierymient pa zdačy bijamietryi zamiežnikami i asobami biez hramadzianstva pry ŭjeździe ŭ Rasiju pavinien prajści ŭ dva etapy.
Na pieršym etapie zamiežniki, jakija ŭjazdžajuć u Rasiju, buduć zdavać bijamietryju ŭ niekalkich punktach propusku — u aeraportach Šaramiećcieva, Damadziedava, Unukava i Žukoŭski, a taksama ŭ suchaputnym punkcie propusku Maštakava na miažy z Kazachstanam.
Na druhim etapie dla biaźvizavaha ŭjezdu ŭ Rasiju zamiežniki zmohuć zahadzia zdavać bijamietryju ŭ śpiecyjalnym dadatku i padavać zajavu sa svaimi źviestkami i infarmacyjaj ab metach vizitu, piša BiełTA.
U prajekcie pastanovy rasijskaha ŭrada ahavorvajecca, što novaja pracedura nie zakranie hramadzian Biełarusi, dziaciej da 6 hadoŭ, dypłamataŭ i supracoŭnikaŭ dypłamatyčnych pradstaŭnictvaŭ i konsulskich ustanoŭ zamiežnych dziaržaŭ u Rasii i členaŭ ich siemjaŭ, supracoŭnikaŭ mižnarodnych arhanizacyj i ich pradstaŭnictvaŭ, akredytavanych u Rasii, i členaŭ ich siemjaŭ.
Kali ekśpierymient budzie pryznany paśpiachovym, zamiežnikaŭ abaviažuć zdavać bijamietryju na pastajannaj asnovie.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary