Hienštab: Kali b USU nastupali na Biełaruś, jak u Kurskaj vobłaści, dali b ludziam zbroju
Namieśnik načalnika Hienštaba Viktar Tumar parazvažaŭ pra ŭsienarodnaść abarony Biełarusi.
Kali b ukrainskija vojski nastupali na terytoryju Biełarusi, jak heta adbyvajecca ŭ Kurskaj vobłaści Rasii, to ŭ boj suprać USU adpravili b terabaronu i narodnaje apałčeńnie.
Pra heta namieśnik načalnika Hienštaba Biełarusi pa navukovaj rabocie pałkoŭnik Viktar Tumar zajaviŭ u intervju «SB».
Jon miarkuje, što biełaruskaje narodnaje apałčeńnie bolš paśpiachova b spraŭlałasia z dyviersijna-raźviedvalnymi hrupami.
«Dali b mahčymaść ludziam baranić svoj dom sa zbrojaj. I prosta tak dyviersijna-vyviedvalnyja hrupy ŭžo svabodna nie pieramiaščalisia, i va ŭkraincaŭ nie było b mahčymaści prosta tak rasstrelvać hramadzianskija aŭtamabili.
Voś u čym naša ideja i abarona — heta narod. A asnova — heta Uzbrojenyja Siły. Tamu my vybudoŭvajem hetuju sistemu mienavita tak. I terytaryjalnyja vojski i narodnaje apałčeńnie pracujuć pad kiraŭnictvam Hienieralnaha štaba US Biełarusi», — miarkuje Tumar.
Pavodle jaho słoŭ, u Biełarusi stvorany vysokamanieŭranaja armija, jakaja moža ŭzmacnicca padraździaleńniami MUS i KDB, a taksama narodnym apałčeńniem i terabaronaj. Na dumku Tumara, US RB składajuć «hałoŭnuju ŭdarnuju i bajavuju siły i vałodajuć mahutnym vajskovym patencyjałam».
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary