«ČynČynČeneł» vypuskaje novy satyryčny mini-sieryjał. Scenar da jaho napisaŭ Sumny Koleńka
Što budzie, kali ŭłady Biełarusi skasujuć psichołahaŭ i pryznačać lačyć psichałahičnyja traŭmy hramadzian čynoŭnika-ideołaha? Premjera sieryjała pra heta adbudziecca «na ŭsich jutubach krainy» 26 žniŭnia.
Tvorčaja kamanda «ČynČynČeneł» pradstaŭlaje novy satyryčny sitkom «BiełHosPsiChoz», u jakim artadaksalny ideołah prymiaraje na siabie rolu psichaanalityka, da jakoha na pryjom prychodziać zvyčajnyja biełaruskija biudžetniki. Čym jon zmoža dapamahčy milicyjanieru, śviataru ci prapahandystu? Psichołah-ideołah pranikaje ŭ dušy pacyjentaŭ i navodzić tam uzorny paradak dziedaŭskimi mietadami: raskładvaje pa palicach kalektyŭnaje nieŭśviadomlenaje, kansiervuje hieštalty, vyrazaje vostrym słoŭcam emacyjnyja traŭmy i vypalvaje kramolnyja bipalarnyja dumki haračym žalezam.
Hałoŭnuju rolu ŭ prajekcie — čynoŭnika, jakoha pryznačyli na rolu psichijatra, — syhraŭ kupałaviec Alaksandr Zielanko.
Kamanda ČynČynČeneł padyšła da hetaha prajekta ŭ pašyranym składzie. Scenarystam bolšaści epizodaŭ staŭ viadomy ŭ biełaruskim internecie Sumny Koleńka, a Alena Zuj-Vajciachoŭskaja napisała sieryju pra estradnuju śpiavačku Alenu ŽałudOk. Čatyry sieryi pastaviŭ režysior Alaksandr Haradko, astatnija — štatny režysior «BiełHosJutubKanała» Andrej Kašpierski.
«BiełHosPsiChoz» — heta vosiem sieryj-skietčaŭ praciahłaściu pa 7-9 chvilin, jakija buduć vychodzić dva razy na tydzień na YouTube.
«Jašče ŭ 2021 hodzie my zadumalisia: što adčuvajuć tyja, chto ŭ 2020 hodzie padtrymaŭ režym? Ciapier, praz čatyry hady, nazirajučy za biełaruskaj prapahandaj, stanovicca vidavočna, što jany nijak nie mohuć «pieraharnuć staronku», bo naniesienaja režymu traŭma zastajecca niezalečanaj. My vyrašyli krychu pafantaziravać i prapanavać svaje mietady lačeńnia ŭ našym firmovym žanry. Ja ŭpeŭnieny, što satyra maje terapieŭtyčny efiekt. A z satyraj u našaj kamandy ŭsio ŭ poŭnym paradku», — adznačaje pradziusar prajekta Andrej Karalevič.
-
«Čužy: Ziamla» — krytyki raschvalvajuć novy sieryjał pa kultavaj kinafranšyzie. A što nasamreč?
-
Pamior akcior Terens Stemp, viadomy pa rolach u «Supiermienie» i «Zornych vojnach»
-
Biełaruskija akciory, jakija syhrali hałoŭnyja roli ŭ niamiecka-aŭstryjskim filmie, atrymali ŭznaharody na kinafiestyvali ŭ Łakarna
Mikoła Buhaj: Treba pieraharnuć staronku 2020-ha i pačać žyć novymi realijami53
Kamientary
Siadžu u čacie . Prylataje pytańnie ad ukrainca :
" Ci jość u vas , biełarusaŭ słova na kštałt našaj palanycia ? Kab pahahať nad ... "
- Ščučynšyna , adkazyvaju , bo treba chutka .
Adrazu lacić : " Nie ! AŠUŜENIJE "