Pra heta ŭ tyktoku raskazaŭ adzin z baćkoŭ — i paabiacaŭ, što zaŭtra kala vykankama budzie fura.
«Sabrali humanitarku ŭ Kurskuju vobłaść dla ŭciekačoŭ, paciarpiełych», — kaža mužčyna na videa i demanstruje karzinu z mahazina «Kapieječka», u jakoj bačny butelki aleju i vady, kansiervy, cukar, hrečka.
Mužčyna raskazaŭ, što humanitarnuju dapamohu vyrašyli sabrać u połackaj škole №16, dzie vučycca jahony syn. Jon śćviardžaje, što heta tamu, što Kursk źjaŭlajecca horadam-pabracimam Połacka (u inšym videa jon dadaje, što kurskaja škoła №43 — pabracim połackaj škoły №16).
Za try dni rolik nabraŭ 91 tysiaču prahladaŭ i 3,4 tysiačy łajkaŭ. Ale ŭ kamientarach hetaja ideja spadabałasia daloka nie ŭsim. Adzin z najbolš załajkanych kamientaroŭ taki: «U krainy, jakaja raspačała ŭsio heta, usia tablica Miendzialejeva, žabrak-biełarus z Połacka tym časam źbiraje humanitarku. Niachaj Kirył lepš jachtu svaju pradaść. Zusim z hłuzdu źjechali».
Ale znajšlisia i biełarusy, jakija šukali takija samyja zbory ŭ svaich haradach. Tamu mužčyna zapisaŭ druhoje videa, u jakim raskazaŭ, što viedaje tolki pra toje, što zbor humanitarki ŭ Połacku inicyjavała škoła №16 — tudy ŭ faje jašče i siońnia možna prynosić bakaleju.
— 21 žniŭnia adbudziecca asnoŭny zbor pa Połacku, jaki budzie prachodzić nasuprać rajvykankama a 10 ranicy. Tam, jak mnie skazali, budzie fura, buduć hruzić.
«Zachodzili jak nož u masła». Biełaruskija bajcy byli siarod tych, chto pieršym zajšoŭ u Kurskuju vobłaść
U Hłuškoŭskim rajonie Kurskaj vobłaści źnikła pantonnaja pieraprava praz raku Siejm
Na rasijskim Pieršym kanale zaklikali da dyvanovych bambavańniaŭ Kurskaj vobłaści
Biznesoviec ź Pieciarburha, jaki zarablaje na pachavańni zahinułych na vajnie, zapatrabavaŭ ad mužčyn pierastać adjazdžać z Kurska
Kamientary
Heta ruskamirnyja kalabaranty, jakija buduć vitać akupacyju Biedarusi rasiejej.
A jakija jany durni! Rasieja kožny dzień tracić na vajnu dziesiatki miljonaŭ dalaraŭ, a jany za ułastnyja hrošy źbirajuć akupantam žračku.
A źbirać dapamohu ukraincam niamahčyma i niebiaśpiečna, bo hiestapavik aryštuje, i ludziej pasadziać. Miarzotniki!