Turarbiekava raskazała pra znajomstva z byłym pasłom Biełarusi ŭ Hiermanii, jaki pakončyŭ z saboj
«Mnie padałosia, što jon bajaźlivy čałaviek, sistemny čałaviek».
Niekalki miesiacaŭ tamu eks-pasoł Biełarusi ŭ Hiermanii Dzianis Sidarenka skončyŭ žyćcio samahubstvam, vykinuŭšysia z akna.
Palitołah i byłaja vykładčyca BDU Roza Turarbiekava ŭ novym vypusku TOKu raskazała, što paznajomiłasia ź Sidarenkam na kursach dla supracoŭnikaŭ dypłamatyčnaha korpusu Biełarusi, na jakija taksama nakiroŭvali studentaŭ i vykładčykaŭ fakulteta mižnarodnych adnosin BDU.
«Ja zadavała jamu dastatkova vostryja pytańni. Mnie padałosia, što jon čałaviek absalutna łajalny (heta i zrazumieła, bo ŭ MZS inšych nie trymajuć). Ale, akramia hetaha, jon dastatkova bajaźlivy. Jamu było vielmi niazručna adkazvać na maje pytańni. Jon sychodziŭ ad adkazu», —
raskazvaje Turarbiekava i pryhadvaje, što jaje pytańni tyčylisia padziej 2006 hoda i nastupstvaŭ Płoščy-2006.
«Mnie padałosia, što jon vielmi bajaźlivy čałaviek, viadziony, absalutna aparatny, sistemny čałaviek», — vykazvaje jana svajo mierkavańnie.
Turarbiekava zaŭvažaje, što vypadak ź Sidarenkam śviedčyć ab tym, što biełaruskija dypłamaty pracujuć u vielmi ciažkich umovach.
Palitołah taksama nie vieryć u toje, što były ministr zamiežnych spraŭ Biełarusi Uładzimir Makiej pamior sam.
«Ja vieru ŭ toje, što jaho daviali, što jaho moh chapić udar», — havoryć Roza i adznačaje, što ŭ jaje jość infarmacyja, što Makiej «byŭ u dastatkova ciažkim psichałahičnym stanie paśla vybaraŭ 2020 hoda».
Jana nie stała ŭdakładniać, što miełasia na ŭvazie, dadaŭšy, što šmat chto z dypłamataŭ havaryŭ ab tym, što ministr byŭ «u sumnym nastroi».
Hladzicie całkam:
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary