Režysior Darja Žuk rychtuje navukova-fantastyčnuju dramu-antyŭtopiju pra telepartacyju ŭ Biełaruś
Film raskaža pra Nadziu i Fiodara, jakija, sprabujučy atrymać palityčny prytułak u ZŠA, niečakana telepartujucca nazad u Biełaruś.
Darja Žuk, viadomaja pa svaim debiutnym filmie «Kryštal», prystupaje da pracy nad novym prajektam — navukova-fantastyčnaj satyraj »Mienavita toje, čym zdajecca», piša telehram-kanał «Śviaščenny Biełavud».
Hety film, jaki ŭjaŭlaje saboj zmročnuju satyru na sučasny aŭtarytaryzm, budzie źniaty pry padtrymcy estonskaj kampanii Allfilm, pradziusarami vystupajuć Vola Čajkoŭskaja, Iva Fiełt i Vijaleta Krečetava. Scenar filma zasnavany na aryhinalnaj historyi Taćciany Zamiroŭskaj, jakaja taksama vystupić saaŭtaram scenaryja. Zdymki buduć vieścisia na biełaruskaj, anhlijskaj i ruskaj movach, piša Variety.
Film raskaža pra Nadziu i Fiodara, jakija, sprabujučy atrymać palityčny prytułak u ZŠA, niečakana telepartujucca nazad u Biełaruś z dapamohaj zahadkavaj kvantavaj technałohii, stvoranaj navukoŭcami pad dyktatam tatalitarnaha režymu. Vymušanyja chavacca jak złačyncy, jany pavinny adnavić svaje adnosiny, kab viarnucca ŭ biaśpiečnaje miesca.
Darja Žuk adznačaje, što film nie budzie pieranasyčany śpiecefiektami, ale pradstavić «zaziemlenuju» viersiju realnaści, dzie klučavym elemientam źjaŭlajecca technałohija, jakaja dazvalaje imhnienna viartać nastalhujučych pa Biełarusi ludziej nazad. Adnak dla niekatorych piersanažaŭ heta pieratvarajecca ŭ sapraŭdny kašmar, ich viartańnie pahražaje niebiaśpiekaj.
Prajekt «Mienavita toje, čym zdajecca» stanie praciaham temy, padniataj u «Kryštali», dzie hierainia taksama šukała svaju identyčnaść pamiž rodnaj Biełaruśsiu i maraj ab svabodzie ŭ Amierycy.
Žuk padkreślivaje, što jaje novy film daśleduje temy taksičnaj nastalhii i pošukaŭ identyčnaści na fonie tatalitarnaha režymu.
Ciapier čytajuć
Siarhiej Cichanoŭski pierabraŭsia žyć u Łos-Andželes63
Kamientary
A tiebia eto **ť nie dołžno
1. pieriemieŝienije čiełoviekov v prostranstvie. Ja pomniu eto było jeŝie v Starikie Chottabyčie let 45-50 nazad;
2. avtoritarizm diktatura i vsie takoje pročieje.
Madam, avtoritarizm i diktatura była i jesť v bčb ŚMI, a takžie v zapadnych ŚMI, rasskazyvajuŝich nam o pośledniej diktaturie v Jevropie. Bolšie ich NIHDIE NIE ISNAVAŁA i nie isnuje. I nie budzie na Biełarusi isnavać nikoli.
Prijatnych sjemok filma-antiutopii.