U čaćviortuju hadavinu prezidenckich vybaraŭ 2020 hoda mižnarodnaja supolnaść vykazałasia pra situacyju ŭ Biełarusi i zaklikała vyzvalić palitviaźniaŭ.
Prezidentka Jeŭraparłamienta Rabierta Mietsoła zajaviła:
«Narod Biełarusi pavinien być volny. Praz 4 hady paśla sfalsifikavanych vybaraŭ padtrymka Jeŭraparłamientam demakratyčnaj Biełarusi zastajecca niaźmiennaj. Epocha dyktataraŭ padychodzić da kanca».
Prezident Litvy Hitanas Naŭsieda padtrymaŭ biełarusaŭ u ich zmahańni za svabodu:
«Prajšło 4 hady z pačatku kampanii represij Łukašenki suprać biełaruskaha naroda, jaki zmahaŭsia za svabodu i demakratyju. Litva ciapier dom dla Cichanoŭskaj i mnohich biełarusaŭ, jakija biehli ad pieraśledaŭ. My vierym u demakratyčnuju budučyniu Biełarusi. Duch svabody zaŭsiody pieramahaje!»
«Represii nie ścichajuć, ale nie ścichaje taksama imknieńnie biełarusaŭ žyć u svabodnaj, demakratyčnaj krainie», — adznačyŭ polski dypłamat Artur Michalski.
«9 žniŭnia 2020 hoda biełarusy vyjšli na vulicy ŭ znak pratestu suprać falsifikacyi vynikaŭ prezidenckich vybaraŭ. Praz čatyry hady bolš za 1400 palityčnych źniavolenych zastajucca za kratami. My zaklikajem da ich nieadkładnaha vyzvaleńnia i padtrymlivajem biełaruski narod i jaho demakratyčnyja pamknieńni, i tysiačy ludziej, jakija byli vymušanyja pakinuć krainu», — napisała ŭ tvitary pasolstva ZŠA ŭ Biełarusi.
MZS Narviehii taksama zhadała, što mirny pratest byŭ žorstka zadušany.
«Za kratami zastajucca 1400 palityčnych źniavolenych. Jany pavinny być vyzvalenyja», — kažacca ŭ zajavie.
Viarchoŭny kamisar ES Žozep Barel paabiacaŭ praciahvać padtrymlivać biełarusaŭ:
«4 hady tamu biełarusy išli na vybary z nadziejaj na demakratyčnyja pieramieny. Zamiest hetaha jany ŭbačyli masavyja falsifikacyi na vybarach, žorstkija represii, izalacyju i jašče bolšuju zaležnaść ad Rasii. My praciahniem padtrymlivać hramadzianskuju supolnaść i demakratyčnyja siły».
«My vystupajem za demakratyčnuju i niezaležnuju Biełaruś i zaklikajem da nieadkładnaha vyzvaleńnia ŭsich palityčnych źniavolenych», — zrabiła zajavu MZS Aŭstryi.
Biełarusaŭ u ich žadańni demakratyčnych pieramien padtrymali taksama dypłamaty Łatvii, Słavienii, Kanady, Irłandyi, Danii, Finlandyi, Estonii, Šviecyi, Aŭstralii.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary