«Z rasijskaha boku iranična nazyvać heta pravakacyjaj». U Dziarždepie ZŠA prakamientavali ŭkrainskuju apieracyju ŭ Rasii
Pradstaŭnik Dziaržaŭnaha departamienta ZŠA Mećju Miler, vystupajučy padčas bryfinhu, źviarnuŭ uvahu na iraničnaść zajavy Uładzimira Pucina, što ciapierašnija padziei ŭ Kurskaj vobłaści źjaŭlajucca «pravakacyjaj» Ukrainy.
«Ja bačyŭ paviedamleńni rasijskich uładaŭ. Ź ich boku iranična nazyvać heta pravakacyjaj, kali ŭličyć, što Rasija parušyła terytaryjalnuju cełasnaść i suvierenitet Ukrainy, pačynajučy z 2014 hoda», — zajaviŭ Miler.
Pry hetym jon paćvierdziŭ, što ZŠA «znachodziacca na suviazi z ukraincami» adnosna padziej u Kurskaj vobłaści, ale kamientavać zamiest ukrainskaha boku ich nie buduć.
Pres-sakratar Dziarždepa taksama dadaŭ, što rašeńnie ab tym, jak Ukraina pravodzić svaje vajennyja apieracyi, «prymaje Ukraina», a palityka ZŠA adnosna mahčymaści naniasieńnia ŭdaraŭ pa rasijskaj terytoryi zachodniaj zbrojaj nie źviedała źmienaŭ.
Padobnaj była i aficyjnaja reakcyja Jeŭrasajuza. Pres-sakratar Jeŭrapiejskaj kamisii pa źniešniepalityčnych pytańniach Pieter Stana na fonie padziej u Kurskaj vobłaści zajaviŭ, što Ukraina maje prava na samaabaronu, u tym liku i ŭdary pa rasijskaj terytoryi.
Pa słovach Stana, pavodle mižnarodnaha prava Ukraina «maje zakonnaje prava abaraniacca, u pryvatnaści nanosiačy ŭdary pa ahresary na jaho terytoryi».
«ES praciahvaje całkam padtrymlivać zakonnaje prava Ukrainy na abaronu ad rasijskaj ahresii i jaje namahańni ŭ adnaŭleńni suvierenitetu i terytaryjalnaj cełasnaści», — dadaŭ jeŭračynoŭnik.
U Kurskaj vobłaści ŭviali nadzvyčajnaje stanovišča, nie kantralujucca 350 kv. km
Zahinuŭ teleprapahandyst Jaŭhienij Paddubny
Minabarony Ukrainy admaŭlajecca kamientavać nastup u Kurskaj vobłaści, a ŭ Hienštabie nie biaruć słuchaŭku
Źjavilisia FOTA i VIDEA, jak dziasiatki rasijskich vajskoŭcaŭ biarucca ŭ pałon u Kurskaj vobłaści
Stała viadoma, jak rychtujucca da mahčymaha padychodu USU na Kurskaj AES
Z-vajenkary nie padzialajuć aptymizmu Hierasimava: čakajuć, što da viečara Ukraina voźmie pad kantrol rajcentr Koranieva
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu23
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary