Kranalny momant alimpijady — handbalistka vyniesła traŭmavanuju supiernicu na rukach
Historyja adbyłasia padčas handbolnaha matču Brazilija-Anhoła, piša championat.com.
U apošnim matčy papiaredniaha etapu žanočaha turniru pa handbole sustrelisia zbornyja Brazilii i Anhoły. Zychod hulni byŭ važny dla abiedźviuch kamand — pieramožca adpravicca ŭ čverćfinał, a toj, chto prajhraŭ — dadomu.
Na 36-j chvilinie sustrečy, kali Anhoła ŭžo sastupała supierniku ź likam 8:16, kapitan afrykanskaj kamandy Albiercina Kasoma atrymała traŭmu kalena. Prosta na placoŭcy dziaŭčynie pačali akazvać miedycynskuju dapamohu, ale hetaha było mała. Stała jasna, što bol pieraškodzić Kasomie viarnucca ŭ hulniu.
Doktar zbornaj i bramnik kamandy dapamahli spartsmiency padniacca. Jany źbiralisia pravodzić dziaŭčynu da łaŭki zapasnych, ale Kasoma nie mahła zrabić i kroku. U hety momant na dapamohu dziaŭčynie z Anhoły paśpiašałasia supiernica — liniejnaja zbornaj Brazilii Tamires Marena Lima de Araužo. Jana padniała Albiercinu, jakaja značna vyšejšaja i bolšaja za jaje, na ruki i adniesła na łaŭku, adnačasna palapvajučy jaje pa śpinie ŭ znak padtrymki i padbadziorvańnia.
«Traŭma adbyłasia niedaloka ad mianie. Spačatku ja praciahvała hulać, tamu što nie dumała, što heta nastolki surjozna. Kali ja ŭbačyła jaje na placoŭcy, ja zrazumieła, što jana nie zmoža padniacca, tamu što vielmi redka byvaje tak, što ty padaješ i nie ŭstaješ», — raspaviała braziljanka.
«Albiercina — moj siabar na praciahu mnohich hadoŭ. My abiedźvie hulajem u Rumynii. Ja nie mahła nie dapamahčy joj, bo razumieła, što joj budzie vielmi ciažka pakinuć placoŭku. Ja adčuvaju da jaje asablivuju prychilnaść. Ja vielmi pavažaju jaje pracu», — patłumačyła svoj učynak de Araužo.
Kapitan Anhoły pakinuła arenu ź miaškom lodu na paškodžanym kalenie. A braziljanka padzialiłasia tym, što skazała joj Albiercina, znachodziačysia na jaje rukach.
«Jana skazała: «Vialiki dziakuj, moj siabar. Tolki ty mahła padniać mianie. Mnie było vielmi baluča». Ciapier jana papravicca».
Pieramožcam matču stała Brazilija, kamanda vyjšła ŭ čverćfinał.
Ciapier čytajuć
«Čakajem u Minsku +1 słavutaść!» Błohieraŭ pryvieźli ŭ byłuju turmu na Vaładarskaha6
«Čakajem u Minsku +1 słavutaść!» Błohieraŭ pryvieźli ŭ byłuju turmu na Vaładarskaha
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary