Seks-vymahalnictva: instahram vydaliŭ dziasiatki tysiač ulikovych zapisaŭ
Meta praviała maštabnuju kampaniju suprać nihieryjskich machlaroŭ, źviazanych z hrupaj Yahoo Boys.
24 lipienia kampanija Meta abviaściła ab tym, što vydaliła kala 63 tysiač ulikovych zapisaŭ instahrama ŭ Nihieryi, jakija sprabavali vykarystoŭvać machlarskija schiemy finansavaha seks-šantažu. Siarod vydalenych — skaardynavanaja sietka z prykładna 2500 akaŭntaŭ, jakuju śpiecyjalisty kampanii źviazali z hrupaj z prykładna 20 čałaviek, jakija ŭ pieršuju čarhu byli nacelenyja na darosłych mužčyn u ZŠA.
Akramia hetaha, jak paviedamiła kampanija, było vydalena 1300 ulikovych zapisaŭ, 5700 hrup i 200 staronak u Facebook. Jany vykarystoŭvalisia dla arhanizacyi, viarboŭki i navučańnia novych machlaroŭ. Siarod prapanoŭ, naprykład, skrypty i instrukcyi, jakija možna vykarystać dla ašukanstva ludziej, ci spasyłki na kalekcyi fotazdymkaŭ dla zapaŭnieńnia fejkavych akaŭntaŭ.
Pa mierkavańni kampanii, ulikovyja zapisy ŭ instahram i fejsbuku byli źviazanyja ź nihieryjskaj sietkaj kibierzłačyncaŭ, viadomaj jak Yahoo Boys. Jaje ŭdzielniki vykarystoŭvajuć roznyja mietady vymahańnia. Adnym z najbolš viadomych źjaŭlajecca seks-vymahalnictva na šyrokuju nahu i na mižnarodnym uzroŭni.
Machlary spačatku ŭstupajuć u pierapisku z patencyjnaj achviaraj, a potym prosiać jaje padzialicca intymnymi fotazdymkami. Paśla atrymańnia «kampramietujučaj» vyjavy adpraŭnika pačynajuć šantažavać, pahražajučy apubličvańniem zdymku. Kab hetaha nie adbyłosia, nieabchodna zapłacić.
Kampanija Meta adznačaje, što ličyć seks-vymahalnictva žachlivym złačynstvam, jakoje moža mieć razburalnyja nastupstvy.
Kampanija taksama źviartaje ŭvahu na raspracavanyja jaje śpiecyjalistami novyja poznački, jakimi mieciać patencyjna niebiaśpiečnyja akaŭnty, i prapanujuć kroki, kab pieraškodzić im znachodzić karystalnikaŭ i ŭzajemadziejničać ź imi.
Akramia hetaha, Meta pačała testavać novuju funkcyju abarony ad aholenaści ŭ instahramie. Jana budzie aŭtamatyčna razmyvać vyjavy z takim źmiestam, a taksama papiaredžvać karystalnikaŭ pra mahčymyja nastupstvy pry adpraŭcy dalikatnych vyjaŭ i nakiroŭvać da paradaŭ i resursaŭ pa biaśpiecy.
Razam z tym Meta źviartaje ŭvahu na toje, što pieravažnaja kolkaść vydalenych ulikovych zapisaŭ była aryjentavanaja na darosłych. Pry hetym bolšaść sprob vymahalnictva z dapamohaj hetych akaŭntaŭ pośpiechu nie mieła.
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary