Asudžanaha na 23 hady palitviaźnia Malejčuka treci raz buduć sudzić za «złosnaje niepadparadkavańnie administracyi kałonii»
Palitviaźnia Viačasłava Malejčuka treci raz buduć sudzić za «złosnaje niepadparadkavańnie administracyi kałonii»
10 lutaha 2023 hoda Viačasłava, asudžanaha da 23 hadoŭ kałonii, pryznali vinavatym pavodle art. 411 KK. Sudździa Mikałaj Siarhiejka pryznačyŭ jamu 1 hod kałonii. Paśla prysudu Malejčuka nakiravali ŭ papraŭčuju kałoniju № 9 u Horki. Tam litaralna praź niekalki miesiacaŭ suprać jaho zaviali ŭžo druhuju zapar kryminalnuju spravu pa č. 2 art 411 KK, piša «Viasna».
Nastupny sud nad im adbyŭsia 23 žniŭnia minułaha hoda Mikałaj svaju vinu nie pryznaŭ. Sudździa Alena Vierabjova dadała da 23 hadoŭ kałonii jašče 2 hady pazbaŭleńnia voli.
Ciapier stała viadoma, što ŭ sudzie Mazyrskaha rajona 7 žniŭnia nad palitviaźniem adbudziecca ŭžo treci sud za «niepadparadkavańnie administracyi». Spravu budzie razhladać sudździa Anatol Strelčanka. Mikałaju mohuć dadać jašče 2 hady źniavoleńnia.
***
26 sakavika 2021 hoda MUS zajaviła, što praduchiliła terakty ŭ Čyžoŭcy i ŭ vajskovaj častcy ŭ Piečach. Na videa pakazali Viačasłava Malejčuka, jaki kazaŭ, što atrymaŭ zahad ad kahości z «Bajpoł».
Paśla zatrymańnia KDB uklučyŭ Viačasłava i astatnich fihurantaŭ hetaj spravy ŭ śpis asobaŭ, jakija «majuć dačynieńnie da terarystyčnaj dziejnaści».
Sudovaja kalehija pad staršynstvam sudździ Uładzimira Areški 30 traŭnia 2022 h. pryznačyła jamu pakarańnie ŭ vyhladzie 22 hadoŭ kałonii va ŭmovach strohaha režymu. Sud doŭžyŭsia ŭ zakrytym režymie try tydni.
Miesca ŭtrymańnia: PK №20, 247755, Homielskaja vobł., Mazyrski r-n, Michałkoŭski sielsaviet, 70
Ciapier čytajuć
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali2
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary