U machlaroŭ novaja schiema — buduć prasić uklučyć demanstracyju ekrana
Sučasnyja machlary pastajanna abnaŭlajuć svaje schiemy. Kali raniej im chapała prostaha telefonnaha zvanka, kab vas abvieści vakoł palca, to zaraz jany asvoili tranślacyju ekrana padčas videazvanka, piša Onliner.by.
Hałoŭny truk tut — prapanavać vam stelefanavacca pa miesiendžary i paprasić uklučyć demanstracyju ekrana. Machlary stvarajuć u miesiendžary akaŭnt, prykidvajučysia bankam, MUS, Nacyjanalnym bankam abo luboj inšaj surjoznaj arhanizacyjaj.
Na pačatkovym etapie jany mohuć telefanavać pa mabilnaj suviazi (čaściej za ŭsio praz IP-telefaniju), ale potym uhavorvajuć pierajści ŭ miesiendžar. Tam jany telefanujuć z padroblenaha profilu i prosiać vas uklučyć demanstracyju ekrana.
Zatym jany mohuć skazać, što im treba pravieści identyfikacyju pa bijamietryi, pravieryć vaš telefon na padazronuju aktyŭnaść abo prydumać jakuju-niebudź inšuju nahodu.
Padčas demanstracyi ekrana ašukancy sprabujuć padhledzieć jak maha bolš važnaj infarmacyi: paroli z SMS, kody dostupu ŭ bank, numary kartak i inšaje. Jany mohuć bačyć usio, što adbyvajecca na vašym ekranie, i nakiroŭvać vas, kab vy mižvoli pieradali im patrebnyja źviestki.
Dla afierystaŭ heta vielmi zručna: nie treba zadavać lišnich pytańniaŭ, jakija mohuć vyklikać vaš sumnieŭ. Dastatkova manipulavać vami, kab vy sami pakazali im usio, što treba. Ubačyŭšy, jakija sumy ŭ vas na rachunkach, jany mohuć uhavaryć vas pieravieści hrošy na toj samy «biaśpiečny» rachunak.
Kab nie patrapić u łapy takich razumnikaŭ, pamiatajcie:
Supracoŭniki bankaŭ i milicyi nikoli nie źviazvajucca z klijentami praź miesiendžary (Telegram, Viber, WhatsApp i inš.).
Jany nikoli nie paprosiać vas ŭstalavać niejki dadatak ci ŭklučyć demanstracyju ekrana vašaj pryłady.
Jany ni pry jakich abstavinach nie patrabujuć aformić kredyty abo pieravieści hrošy na «biaśpiečnyja» rachunki.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Davajcie ja Vam spaju...Ni pažadali čamuści ??
iz poślednieho... niekotoryje banki kartočku po prisyłajut užie...
:/