Staršynia Hienštaba Vialikabrytanii zajaviŭ, što jość tolki try hady, kab padrychtavacca da vajny z aljansam dyktatur
Brytanski hienierał ser Roli Uokier zajaviŭ pra nieabchodnaść adnavić bajazdolnaść brytanskaj armii da 2027-28 hadoŭ, bo ŭ hety pieryjad moža adbycca «detanacyja» pa ŭsim śviecie. Voś što jon maje na ŭvazie.
Pavodle staršyni Hienštaba Vialikabrytanii hienierała sera Roli Uokiera, u pieryjad z 2027 pa 2028 hod na płaniecie mohuć adbycca šmatlikija vajskovyja eskałacyi z boku «Vosi ŭzrušeńniaŭ», jakoj nieaficyjna nazyvajuć vierahodny aljans Rasii, Kitaja, Paŭnočnaj Karei i Irana.
Ryzyka hetaha scenara vialikaja i patrabuje ad Vialikabrytanii absalutna terminovaj nieabchodnaści adnavić i technałahična ŭmacavać bajazdolnaść svajoj armii za try hady, paviedamlaje ahienctva Sky News sa spasyłkaj na słovy sera Roli Uokiera.
Brytanski hienierał adznačaje, što Rasija z vysokaj dolaj vierahodnaści i niezaležna ad vynikaŭ vajny va Ukrainie zachoča adpomścić krainam Zachadu, a Kitaj chutčej za ŭsio napadzie na Tajvań. U toj ža čas Iran abzaviadziecca svajoj jadziernaj zbrojaj, a Paŭnočnaja Kareja vyjdzie na novy ŭzrovień pahroz i eskałacyi.
I hałoŭnaj niebiaśpiekaj va ŭsim hetym hienierał nazyvaje toje, što mahčymyja napady hetych krain mohuć adbycca sinchronna i pa damoŭlenaści, pieradaje Sky News.
Nahadajem, što niekatoryja vajskovyja scenary Treciaj suśvietnaj vajny praduhledžvajuć jaje pačatak užo ŭ nastupnym hodzie. Tak, u pačatku 2024 hoda niamieckaje vydańnie Bild atrymała dostup da sakretnaha dakumienta Bundeśviera, u jakim raśpisany scenar paŭnavartasnaha rasijskaha ŭvarvańnia ŭ Jeŭropu ŭ 2025 hodzie, da jakoha ciapier rychtujecca NATA.
Pavodle scenara, Rasija hetym letam moža pačać aktyŭna ździajśniać kibierataki na sistemy NATA i pravakavać biesparadki ŭ krainach Bałtyi z udziełam etničnych rasiejcaŭ, što stanie padstavaj dla praviadzieńnia ŭ vieraśni na terytoryi Biełarusi vučeńniaŭ «Zachad-2024» z udziełam 50 tysiač rasijskich sałdat.
Na padstavie vučeńniaŭ Rasija, pavodle scenaru, usiu vosień budzie naroščvać svoj vajskovy kantynhient i arsienał rakiet u Biełarusi kala miežaŭ Litvy i Polščy, adnačasova robiačy toje ž samaje i z boku Kalininhrada.
Potym u śniežni 2024-ha ŭ rajonie Suvałkskaha kalidora Rasija moža spravakavać «štučny pamiežny kanflikt» i «biesparadki sa šmatlikimi achviarami», jak heta było ŭ 2021-m ź nielehalnymi mihrantami.
Usio heta pavinna budzie adbyvacca ŭ razhar vybarčaj kampanii ŭ ZŠA, kali ŭ krainy jašče nie budzie abranaha lidara.
«Mienavita ŭ toj momant Rasija pry dapamozie Biełarusi moža zładzić u rajon Suvałkskaha kalidora vajskovaje ŭvarvańnie, padobnaje da rasijskich dziejańniaŭ va Ukrainie ŭ 2014 hodzie», — piša Bild, spasyłajučysia na sakretny dakumient Bundeśviera.
Pa tym scenary čakajecca, što ŭ sakaviku 2025 hoda Rasija pierakinie ŭ Biełaruś dadatkovyja dźvie tankavyja dyvizii i bolš za 70 tysiač sałdat. U adkaz na heta NATA ŭ mai pierakinie da miežaŭ Rasii i Biełarusi 300-tysiačny vajskovy kantynhient, siarod jakich budzie 30 tysiač sałdat z Hiermanii.
Dalej, pa scenary, pavinien adbycca «Dzień X» (poŭnamaštabnaje rasijskaje ŭvarvańnie i vajna z NATA), zychod jakoha ŭ dakumiencie zastajecca adkrytym, adznačaŭ Bild.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu7
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
======
biesporiadki podaviť, etničnych rasiejciev lišiť vnž/annulirovať vizu i dieportirovať