Kamału Charys užo padtrymali Klintany, Abama maŭčyć

Za kandydaturu Charys užo vykazalisia Bił i Chiłary Klintany — były prezident (1993—2001) i dziaržsakratar ZŠA (2009—2017). U zajavie, apublikavanaj u sacsietcy Ch, Bił i Chiłary Klintan napisali: «Zaraz čas padtrymać Kamału Charys i zmahacca z usim, što ŭ nas jość, kab damahčysia jaje abrańnia». Prezidenckaja para rašuča papiaredžvaje ab niedapuščalnaści pieramohi Trampa, piša Bi-bi-si.

«My pieražyli ŭźloty i padzieńni, ale ništo nie prymušała chvalavacca nas za los krainy bolš, čym pahroza druhoha terminu Trampa va ŭładzie», — kažuć jany.

Piać hadoŭ tamu takaja padtrymka ad bačnych demakrataŭ była b miažoj maraŭ dla Charys — vosieńniu 2019 hoda jana vyłučałasia ŭ kandydaty na prezidenckija vybary 2020-ha.

Tady, jana abrała asnoŭnym abjektam ŭnutrypartyjnaj krytyki jak raz Džo Bajdena, prypaminajučy, što jon byŭ praciŭnikam prahramy pa navučańni čarnaskurych dziaciej ź biednych kvartałaŭ u škołach prestyžnych biełych rajonaŭ.

Ale hetaja kampanija była karotkaj — užo ŭ śniežni 2019-ha, ź nizkimi rejtynhami i maleńkimi zborami na achviaravańniach u fond svajoj kampanii, Charys abviaściła, što zdymaje svaju kandydaturu. I ŭžo praz try miesiacy zajaviła, što padtrymaje Bajdena.

Charakterna, što eks-prezident Barak Abama, jaki pracavaŭ na pasadzie prezidenta ŭ źviazku z Bajdenam, vykazaŭ udziačnaść Bajdenu za jaho rašeńnie admovicca ad udziełu ŭ vybarnaj kampanii, nazvaŭ jaho «patryjotam vyšejšaha paradku», ale nie vykazaŭ pramoj padtrymki Charys.

Jaho zajavu ŭ sietcy Ch bolš raspłyvista: «U mianie jość biezumoŭnaja ŭpeŭnienaść, što lidary našaj partyi zdolejuć arhanizavać praces, vynikam jakoha stanie źjaŭleńnie vybitnaha kandydata».

Na adras Charys užo paśpieŭ vykazacca i Donald Tramp. Adkazvajučy na pytańnie CNN, Tramp zajaviŭ, što pieramahčy vice-prezidenta Charys jamu budzie jašče praściej, čym Bajdena.

U aficyjnym jutub-kanale Nacyjanalnaha kamiteta Respublikanskaj partyi ŭžo źjaviłasia dźviuchchvilinnaje videa z krytykaj na adras Charys z nahody palityki ŭładaŭ ZŠA ŭ tym, što tyčycca baraćby ź nielehalnaj mihracyjaj.

Respublikancy nie vypuściać z-pad uvahi toj fakt, što mienavita na Charys u 2021 hodzie Bajden uskłaŭ praviadzieńnie pieraŭtvareńniaŭ u hetaj śfiery. Tramp i jahonyja prychilniki śćviardžajuć, što za čatyry hady prezidenctva Bajdena nijakich palapšeńniaŭ u hetaj halinie nie adbyłosia.

Što budzie adbyvacca dalej?

Apošnim dziejnym prezidentam ZŠA, jaki admoviŭsia ad pieraabrańnia, byŭ Lindan Džonsan u 1968 hodzie. Šlach vyłučeńnia novaha kandydata tak blizka da dnia vybaraŭ niajasny.

Bajden užo atrymaŭ 3 896 hałasoŭ partyjnych delehataŭ — značna bolš, čym było nieabchodna dla vyłučeńnia jaho kandydatury.

Choć padtrymka z boku Bajdena i robić Charys najbolš vierahodnym kandydatam, paśla taho jak jon «vyzvalić» svaich delehataŭ, jany bolš nie buduć zamacavany za tym ci inšym kandydatam. U vyniku im treba budzie prahałasavać za taho, kaho jany vybieruć sami.

Pačatak źjezdu zapłanavany na 19 žniŭnia. Kali Demakratyčnaja partyja da hetaha času nie abjadnajecca dla padtrymki novaha kandydata, heta moža pryvieści da «adkrytaha źjezdu» ŭpieršyniu z 1968 hoda.

Kandydatam spatrebiacca podpisy nie mienš za 300 delehataŭ (i nie bolš za 50 ad adnaho štata), kab ich imia źjaviłasia ŭ biuleteni.

Pieršy tur hałasavańnia projdzie siarod 3 900 delehataŭ. Kali paśla jaho nivodny z kandydataŭ nie atrymaje bolšaści hałasoŭ, budzie pravodzicca jašče niekalki turaŭ hałasavańnia.

U hetych turach buduć udzielničać «supierdelehaty» — lidary partyi i słužbovyja asoby, jakija buduć hałasavać datul, pakul nie budzie abrany naminant.

Kab atrymać partyjnuju naminacyju, kandydatu nieabchodna 1 976 hałasoŭ delehataŭ.

• 2
• 0
• 1
• 0
• 0
• 0
• 0
• 0