Minlashas zaklikaŭ biełarusaŭ najbližejšymi tydniami nie chadzić u hryby
U Ministerstvie lasnoj haspadarki Biełarusi zaklikali biełarusaŭ nie naviedvać lasy ciaham najbližejšych dvuch-troch tydniaŭ. Tam, maŭlaŭ, ciapier tak niebiaśpiečna, što nieviadoma, ź jakoha boku prylaciać niepryjemnaści.
Pa-pieršaje, u lasach ciapier šmat burałomu z-za štormu, jaki abrynuŭsia na roznyja rehijony Biełarusi 13 i 14 lipienia. A taksama niebiaśpieku ŭjaŭlajuć charakternyja dla hetaha leta vysokija tempieratury pavietra.
«U dadzieny momant viadziecca raspracoŭka burałomaŭ i vietravałaŭ. Krony dreŭ mohuć visieć i ŭ luby momant zvalicca ŭ najlepšym vypadku pad nohi. Ciapier les-heta zona pavyšanaj niebiaśpieki», — zajaviŭ kansultant upraŭleńnia lasnoj haspadarki Minlashasa Alaksiej Bojka na pres-kanfierencyi.
U asablivaj niebiaśpiecy, na jaho dumku, hrybniki, bo jany «nie hladziać uvierch, a źbirajuć dary pryrody ŭnizie».
Čynoŭnik taksama raskazaŭ, što ciopłyja płyni pavietra z Afryki prynieśli z saboj tempieratury da 37°S, lasy z-za taho razahretyja, a z-za taho pavialičvajecca i niebiaśpieka pažaraŭ.
«Lubaja iskra, lubyja niapravilnyja pavodziny z ahniom mohuć pryvieści da niepapraŭnych nastupstvaŭ, za jakimi, naturalna, budzie iści jak administracyjnaja adkaznaść, tak i kryminalnaja», — užo nie prosić, a pahražaje Alaksiej Bojka.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»26
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary