Łaŭreat Nobieleŭskaj premii miru, staršynia pravaabarončaha centra «Viasna» Aleś Bialacki, asudžany na 10 hadoŭ źniavoleńnia, znachodzicca za kratami z 14 lipienia 2021 hoda, nahadvaje «Viasna»
Na fonie paviedamleńniaŭ ab paharšeńni zdaroŭja palitźniavolenaha Alesia Bialackaha Mery Struzers, dyrektar rehijanalnaha ofisu Amnesty International pa Ŭschodniaj Eŭropie i Centralnaj Azii, skazała:
«Rychtujučysia adznačyć try hady z dnia zatrymańnia Alesia Bialackaha i jahonych kalehaŭ, my pa-raniejšamu hłyboka zaniepakojenyja ich zdaroŭjem. My jašče raz patrabujem ich nieadkładnaha i biezumoŭnaha vyzvaleńnia i nastojliva prosim dać im nieadkładny dostup da adekvatnaj miedycynskaj dapamohi, ichnych advakataŭ i svajakoŭ».
Łaŭreat Nobieleŭskaj premii miru, staršynia pravaabarončaha centru «Viasna» Aleś Bialacki asudžany na 10 hadoŭ źniavoleńnia. Palitviazień adbyvaje pakarańnie ŭ kałonii № 9 u Horkach. U listapadzie 2023 hodu Alesia Bialackaha na paŭhoda źmiaščali ŭ PKT — pamiaškańnie kamiernaha typu, jakim karajuć za parušeńnie paradkaŭ u kałonii. Jość źviestki, što Aleś Bialacki nie atrymlivaje karespandencyi ad svajakoŭ i siabroŭ i što nivodnaha razu ŭ palitviaźnia nie było videazvankoŭ sa svajakami. Taksama stała viadoma, što administracyja kałonii admaŭlałasia pryniać pasyłki ź miedykamientami ad svajakoŭ Bialackaha. Takim čynam jana pastaviła pad pahrozu stan zdaroŭja palitviaźnia, na jaki ŭžo paŭpłyvała papiaredniaje palityčna matyvavanaje źniavoleńnie, adznačaje Amnesty International.
«Praciahłaje zatrymańnie Alesia i jaho kalehaŭ — nia što inšaje, jak aburalnaje złoŭžyvańnie sistemaj kryminalnaha pravasudździa, nakiravanaje na zadušeńnie inšadumstva i pryhniečańnie hramadzianskaj supolnaści ŭ Biełarusi», — havorycca ŭ zajavie Amnesty International.
-
Stała viadoma, jakoha śviatara-staraabradca zatrymali ŭ Pastaŭskim rajonie
-
Chłopiec z-pad Šarkaŭščyny pakinuŭ u spakoi santechniku — jakuju raniej mietadyčna kraŭ, — pajšoŭ u aŭtamatčyki i ŭrešcie zhinuŭ pad Kupianskam
-
Hramadzianinu Litvy, što ładziŭ u Pastaŭskim rajonie staravierskija bohasłužeńni, pahražaje departacyja
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary
Chto ž tak prosić ? Na kaleni ŭstać treba dy hrošaj zanieści.