U Biełarusi źbirajucca zabaranić vejpy. Užo rychtujuć zakonaprajekt
Pytańnie ab zabaronie vejpaŭ razhledzieli ŭ Saviecie Respubliki, i zaraz płanujuć raspracavać adpaviedny zakonaprajekt, paviedamili ŭ efiry STV.
Pavodle słoŭ člena Savieta Respubliki i hałoŭnaha ŭrača Minskaha haradskoha kliničnaha ankałahičnaha centra Viktara Kandratoviča, zadaču ŭžo pastaviła Natalla Kačanava.
«Na apošniaj siesii Savieta Respubliki hetaje pytańnie razhladałasia. Pastaŭlena zadača staršynioj Savieta Respubliki ab tym, kab prapracavać heta pytańnie i vynieści zakonaprajekt ab zabaronie vejpaŭ u našaj krainie», — skazaŭ jon.
Pavodle jaho słoŭ, aproč sardečna-sasudzistych zachvorvańniaŭ, jakija mohuć vyklikacca ŭ tym liku vykarystańniem vejpa, jość ankałahičnyja zachvorvańni. Tamu što jość vejpy, choć ź nikatynam, choć bieź nikatynu, u lubym vypadku źmiaščajuć šmat farmaldehidaŭ, jakija vyklikajuć u tym liku ankałahičnyja zachvorvańni.
«Puchliny hałavy, šyi, paražniny rota, hłotki ŭ mužčyn stajać na piatym miescy. Asnoŭnyja kurcy — heta mužčyny. Ja chaču skazać, što chvoryja puchlinaj paražniny rota i hłotki — na praciahu hoda pamiraje 30% z chvorych», — dadaŭ śpiecyjalist.
-
Kab vypravić prykus, biełaruska rašyłasia na raśpiłoŭvańnie skivicy — i nie paškadavała. Ale vynieści takuju apieracyju zmoža nie kožny
-
Kala 15% biełaruskich par ciarpiać ad biaspłodździa
-
Ekśpierty papiaredžvajuć pra ŭsplosk amal nievylečnaj infiekcyi ź ciažkaj dyjarejaj, jakaja pieradajecca pałavym šlacham
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary