Paśla ŭviadzieńnia novych abmiežavańniaŭ vielizarnaja čarha na miažy z Polščaj rassmaktałasia za niekalki hadzin
Na biełaruska-polskaj miažy siońnia možna było nazirać anamalnuju situacyju, kali čarha z amal 200 mašyn rassmaktałasia za ličanyja hadziny. Usiamu vinoj — novyja abmiežavańni ad polskaha boku.
Užo druhi raz ciaham lipienia na biełaruska-polskaj miažy całkam źnikajuć čerhi ź lehkavikoŭ. Pryčyna abodvuch razoŭ — novyja abmiežavańni.
U noč z 4 na 5 lipienia čarhi nie stała paśla naviny pra zabaronu na vyvaz u Biełaruś šyrokaha śpisu tavaraŭ.
Paźniej kalejka znoŭ pačała źbiracca. U paniadziełak na piku vyjezdu ź Biełarusi čakali bolš za 220 mašyn. Ale adnoŭlenyja čerhi pratrymalisia niadoŭha, bo Polšča pierastała prapuskać biełaruskija aŭtamabili, kali ŭ sałonie niama ŭłaśnika. Taksama pad zabaronu na ŭjezd u Polšču trapiŭ transpart, jaki naležyć jurydyčnym asobam.
U noč z 8 na 9 lipienia čarha z achvotnych trapić na aŭtamabili ŭ Polšču znoŭ pačała imkliva skaračacca. Kali apoŭnačy vyjezdu ź Biełarusi čakali 175 lehkavikoŭ, to ŭžo bližej da 10 ranicy čarha całkam źnikła, što nietypova dla hetaha pierachodu.
Tydzień tamu ŭ hety ž čas u čarzie stabilna stajała bolš za 200 aŭto. Toje samaje było i dva tydni tamu. A voś try tydni tamu, u aŭtorak 25 červienia, vyjezdu ź Biełarusi ciaham dnia čakali 350-400 lehkavikoŭ. Roŭna miesiac tamu ŭ čarzie na vyjezd ź Biełarusi ŭ Polšču ciaham dnia taksama stajali kala 400 aŭto.
Nahadajem, što paśla pryniaćcia novych sankcyj susiednija krainy ES pastupova ŭvodziać novyja abmiežavańni ŭ dačynieńni da biełarusaŭ. Važnaja admietnaść novaha pakieta sankcyj u tym, što jany zakranajuć nie tolki jurydyčnych, ale i fizičnych asob.
Ciapier čytajuć
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka4
Kamientary