Milinkievič zhadaŭ, jak kiraŭniki partyj prapanavali jamu pa čarzie ŭznačalvać apazicyju. I ź biełarusami pierastali sustrakacca ŭ Jeŭropie
«Ja prajšoŭ praz žadańnie adchilić mianie paśla vybaraŭ 2006 hoda».
U novym vypusku TOKu Alaksandr Milinkievič zhadaŭ, što ŭ 2005 hodzie na Kanhresie demakratyčnych sił jon byŭ abrany adzinym kandydatam ad demakrataŭ. Paśla na praciahu dvuch hadoŭ palityk byŭ «lehitymnym kiraŭnikom abjadnanych demakratyčnych siłaŭ» (hod da i hod paśla prezidenckich vybaraŭ).
«Potym absalutna spraviadliva lidary piaci partyj pryjšli da mianie i skazali: «Alaksandr! Ty lidar, jeździš i jeździš pa bruselach i pa inšych stalicach krain. Pradstaŭlaješ. Usio kłasna robiš. Ale siońnia ŭžo my ŭsie lidary».
Paśla hetaj razmovy, na novym Kanhresie demakratyčnych siłaŭ Biełarusi, jaki byŭ praviedzieny ŭ 2007 hodzie, rašyli: «Zamiest Milinkieviča zrobim ratacyju. Budzie jon i piać lidaraŭ partyj. Jany buduć pa čarzie kiravać».
«Nibyta demakratyčnaja schiema», — zaŭvažaje palityk i adznačaje, što paśla hetaha z «biełarusami amal pierastali sustrakacca», chacia da hetaha jamu cisnuli ruku kala 30 prezidentaŭ i premjer-ministraŭ.
Milinkievič adznačaje, što rašeńniem ab ratacyi byŭ «zmarnavany ahulny šaniec». Ciapier palityk asabliva vostra ŭsprymaje sproby pamianiać Cichanoŭskuju, bo «prajšoŭ praz žadańnie adchilić mianie paśla vybaraŭ 2006 hoda».
Hladzicie całkam:
Demakratyčnyja siły pierajšli da kalektyŭnaha kiraŭnictva
«Razumny šukaje siabroŭ, a durny stvaraje vorahaŭ». Milinkievič — pra toje, jak stavicca da byłych supracoŭnikaŭ sistemy
«Niebiełaruskija siły sprabujuć adchilić Cichanoŭskuju z dapamohaj Kaardynacyjnaj rady» — Milinkievič
«Cichanoŭskaja — heta dla nas Božy dar» — Milinkievič
Kamientary
Ups, dyk Śvieta nie pieršaja, z kim sustrakalisia mižnarodnyja lidary? Da jaje akazvajecca byŭ Milinkievič?
A nam śmi čatyry hady raspaviadali, što Śvieta - unikalny vypadak, što da jaje pra Biełaruś nichto nie viedaŭ, i nichto nie sustrakaŭsia z takoj kolkaściu zamiežnych palitykaŭ....