Ich zasvajeńnie palepšyć techniku płavańnia i prymusić navakolnych źviarnuć na vas uvahu.
U płavańni isnuje čatyry styli: krol, bras, baterflaj i na śpinie. Najbolš prostym i mienš stamlajučym ličycca pieršy. Pry kroli ruki robiać šyrokija hrabki pa čarzie, a nohi ździajśniajuć drobnyja ruchi pa typu «nažnic».
Prapanujem niekalki parad śpiecyjalistaŭ, jakija dapamohuć zrabić vaša płavańnie krolem pryhožym i chutkim.
Kali płavajecie, bicie nahami, niby pa miačy
Technika ŭdaru nahami ŭ płavańni krolem vielmi padobnaja na ŭdar nahoj pa miačy ŭ futbole. Vaša naha vykonvaje padobnyja ruchi. Tamu samy lohki sposab dla pravilnaha ŭdaru nahami ŭ kroli — heta ŭjaŭlać, byccam vy bjacie pa miačy.
Starajciesia vykonvać udar usioj nahoj ad stupni da taza. Tolki taki ruch dazvolić vam ździajśniać udar z maksimalnaj siłaj.
Adpracoŭvajcie ŭdary nahami na sušy i zapaminajcie pravilny ruch. U płavańni ŭdary nahami našmat mienšyja, čym u futbole. Jany pavinny być u radyusie vašaha cieła. Pry hetym starajciesia, kab vašyja kaleni nie zhinalisia zanadta mocna.
Rabicie ruch pramoj nahoj uvierch, vykonvajcie ŭdar usioj nahoj i krychu zhinajcie nahu ŭ kalenie. Heta samy važny navyk u płavańni krolem, jaki daje bolšaść vašaj chutkaści.
Kali płavajecie, hrabicie pramymi rukami
Druhi momant, na jaki źviartajuć śpiecyjalisty, heta pravilnaje stanovišča ruk pry płavańni. Spačatku patrenirujciesia na sušy. Sačycie za tym, kab ruka była pramaja i vyciahnutaja napierad, a palcy znachodzilisia blizka adzin da adnaho. Zatym paviarnicie ruku ŭbok tak, kab łokać byŭ nakiravany ŭvierch.
Chutčej za ŭsio, vaša kiść pavierniecca razam z rukoj. Tamu raźviarnicie jaje ŭ pačatkovaje stanovišča. Zapomnicie heta pravilnaje i najbolej efiektyŭnaje stanovišča ruki dla płavańnia krolem. Adpracoŭvajcie jaho i zapaminajcie.
Tolki takoje stanovišča ruki dazvolić vykanać efiektyŭny hrabok, płavać chutka i ŭpeŭniena.
Kali vy płavajecie, vašy ruki pavinny niby malavać paŭkoła
Pravilny pranos ruk paśla hrabka dapamahaje płavać lohka i spakojna. Śpiecyjalisty rajać pasprabavać vykarystać plečy padčas pranosu ruk. Starajciesia krucić plečy, pakul vaša ruka znachodzicca ŭ pavietry. Ujavicie, byccam malujecie paŭkoła vašym plačom.
Pačatkoŭcam śpiecyjalisty rekamiendujuć vykonvać pranos z amal pramymi rukami. Taki sposab harantuje, što ruki buduć całkam rassłablenyja ŭ pavietry, i płavańnie tady zaŭsiody budzie lohkim.
Pry płavańni cieła maje być haryzantalnym
Dla kožnaha amatara płavańnia važna navučycca trymać cieła ŭ haryzantalnym stanoviščy, kab nie hublać chutkaść i padtrymlivać lohkaje płavańnie.
Spačatku važna pierakanacca, što cieła całkam znachodzicca ŭ vadzie. Padčas płavańnia pohlad pavinien być nakiravany ŭniz i napierad pad vuhłom u 45 hradusaŭ.
Śpiecyjalisty zaŭvažajuć, što kali płavaješ krolem, to nie varta padymać hałavu. Kali heta rabić, to nohi adrazu iduć uniz, što tarmozić chutkaść.
Akramia hetaha, važna sačyć za tym, kab vočy zaŭsiody byli maksimalna nizka, navat padčas udychu, a nohi znachodzilisia kala pavierchni vady.
Starajciesia vyciahvacca napierad padčas płavańnia. Čym bolš vy vyciahnieciesia, tym lahčej vam budzie płyć.
Pry płavańni važna vydychać u vadu
Pry płavańni krolem važna navučycca vydychać pavietra, kali hałava pahružanaja ŭ vadu. Vydych padčas pavarotu hałavy adbiraje kaštoŭny čas. U vyniku vy nie paśpiejecie zrabić poŭny i hłyboki ŭdych, a tamu chutka stomiciesia.
Samy zručny momant dla ŭdychu ŭ kroli — heta momant padčas pavarotu hałavy ŭbok paśla hrabka rukoj. Takaja technika ablehčyć płavańnie ŭ niekalki razoŭ.
Spadziajomsia, što hetyja parady buduć dla vas karysnymi.
Biełaruski IT-miljarder Hurski: Maju pieršuju žonku zabiŭ hiembler5
Kamientary