U lipieni buduć sudzić byłych supracoŭnic Tut.by Volhu Łojka i Alenu Taŭkačovu
Minski haradski sud 15 lipienia pačnie razhladać kryminalnuju spravu ŭ dačynieńni da byłych supracoŭnic partała Tut.by Volhi Łojka, Aleny Taŭkačovaj i Kaciaryny Tkačenka. Pasiedžańnie źjaviłasia ŭ raskładzie sudoŭ, źviarnuŭ uvahu «Pozirk».
Abvinavačvańnie pradjaŭlenaje pavodle čatyroch artykułaŭ Kryminalnaha kodeksa: č. 3 art. 130 (raspalvańnie inšaj sacyjalnaj varožaści i varažniečy), č. 2 art. 243 (u staroj redakcyi KK — uchileńnie ad vypłaty padatkaŭ), č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich), č. 3 art. 361 (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Biełarusi).
Vierahodna, sudovy praces budzie zavočnym, bo abvinavačanyja znachodziacca za miažoj.
Vieści praces pryznačanaja sudździa Valancina Ziańkievič.
10 krasavika 2023 hoda paviedamlałasia, što Minharsud aštrafavaŭ na 500 bazavych vieličyń (na toj momant 18 500 rubloŭ) kožnaha paručyciela Taŭkačovaj i Łojki, jakija pakinuli Biełaruś.
Paručycielami Taŭkačovaj źjaŭlalisia palitołah Jaŭhien Prejhierman i na toj momant deputat Pałaty pradstaŭnikoŭ Valeryj Varaniecki, Łojka — staršynia Respublikanskaha sajuza pramysłoŭcaŭ i pradprymalnikaŭ Alaksandr Šviec.
Paručycieli byli vyklikanyja ŭ sud na padstavie art. 134 Kryminalna-pracesualnaha kodeksa (paradak nakładańnia hrašovaha spahnańnia i zvarotu zakładu ŭ dachod dziaržavy). Rašeńni vyniesła zhadanaja Ziańkievič.
17 sakavika minułaha hoda jana pryhavaryła hałoŭreda Tut.by Marynu Zołatavu i hiendyrektara «TUT BAJ MIEDYJA» Ludmiłu Čekinu da 12 hadoŭ pazbaŭleńnia voli.
Inšyja abvinavačanyja — redaktarka palityka-ekanamičnaha błoka Łojka, žurnalistka Taŭkačova i juryskonsult Tkačenka — na praces nie źjavilisia, bo paśla vyzvaleńnia z-pad varty pakinuli krainu. Jany byli abvieščanyja ŭ vyšuk.
Čekinaj, Zołatavaj, Łojka i Taŭkačovaj pa spravie byli inkryminavanyja art. 243, art. 130, art. 361 KK. Tkačenka abvinavačvali pavodle art. 243 i 342 KK.
U kastryčniku 2022 hoda Zołatavu, Čekinu, Łojku i Taŭkačovu KDB unios u pieralik asob, «datyčnych da terarystyčnaj dziejnaści».
Usiaho pa «spravie Tut.by» było zatrymana 15 čałaviek. Ź ciaham času ahulnaja kolkaść abvinavačanych skaraciłasia da piaci (Zołatava, Čekina, Łojka, Taŭkačova, Tkačenka), paźniej pad vartaj zastałosia dva čałavieki (Zołatava i Čekina).
-
U Biełarusi sioleta niama čarnic. Kali letaś narychtoŭščyki pryniali dziasiatki ton jahady, to sioleta — ničoha
-
Stała viadoma imia jašče adnaho ahienta KDB, jaki moža być datyčnym da źniknieńnia Mielnikavaj
-
U Homieli piensijanier vysadziŭ u dvary drevy. Ale ich vierchaviny paabłomvała złaja 90-hadovaja susiedka
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii22
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary