Rada ES pryniała šerah sankcyj suprać Biełarusi. Hetyja abmiežavańni ŭžo dziejničajuć suprać RF praz vajnu suprać Ukrainy.
«Siońnia Rada ES pryniała abmiežavalnyja miery, nakiravanyja suprać biełaruskaj ekanomiki, uličvajučy ŭdzieł režymu ŭ niezakonnaj, niespravakavanaj i nieapraŭdanaj ahresiŭnaj vajnie Rasii suprać Ukrainy», — havorycca ŭ paviedamleńni.
Jak adznačajecca, hetyja kompleksnyja miery nakiravanyja na niekalkich abmiežavalnych mier u adkaz, jakija ŭžo dziejničajuć suprać Rasii, i takim čynam vyrašajuć prablemu abychodu sankcyj, jaki «ŭźnikaje z pryčyny vysokaj stupieni intehracyi, jakaja isnuje pamiž rasijskaj i biełaruskaj ekanomikami».
Handal
Akramia hetaha, Rada padaŭžaje zabaronu na ekspart tavaraŭ i technałohij padvojnaha/pieradavoha pryznačeńnia, a taksama ŭvodzić dalejšyja abmiežavańni na ekspart tavaraŭ, jakija mohuć spryjać pavieličeńniu pramysłovaha patencyjału Biełarusi.
Dalejšyja abmiežavańni taksama ŭvodziacca na ekspart u Biełaruś tavaraŭ i technałohij marskoha sudnachodstva, a taksama pradmietaŭ raskošy.
«Što tyčycca impartu, budzie zabaronieny impart prama ci ŭskosna, kupla abo pieradača mienavita zołata i ałmazaŭ ź Biełarusi, a taksama hieliju, vuhalu i minieralnych praduktaŭ, uklučajučy syruju naftu», — havorycca ŭ paviedamleńni.
Apošniaja miera budzie dapoŭnienaja novaj zabaronaj na ekspart tavaraŭ i technałohij, prydatnych dla vykarystańnia ŭ naftapierapracoŭcy i zvadkavańni pryrodnaha hazu.
Pasłuhi
Akramia taho, Rada ES zabaraniaje pradastaŭlać peŭnyja pasłuhi Biełarusi, jaje ŭradu, dziaržaŭnym orhanam, karparacyjam abo ahienctvam, a taksama luboj fizičnaj abo jurydyčnaj asobie, jakaja dziejničaje ad imia abo pa ich ukazańni:
— buchhałtarskija pasłuhi, aŭdytarskija pasłuhi, uklučajučy dziaržaŭny aŭdyt, a taksama pasłuhi pa suviaziach z hramadskaściu;
— architekturnyja i inžyniernyja pasłuhi, a taksama IT-kansultacyjnyja pasłuhi i jurydyčnyja kansultacyi;
— rekłamnyja pasłuhi, daśledavańni rynku i apytańni hramadskaj dumki, a taksama pasłuhi pa teściravańni pradukcyi i techničnaj praviercy.
Transpart
Rada ES pašyraje zabaronu na pieravozku hruzaŭ aŭtamabilnym transpartam pa terytoryi ES na pryčepach i paŭpryčepach, zarehistravanych u Biełarusi, u tym liku na hruzavikach, zarehistravanych za miežami Biełarusi.
«Kab minimizavać ryzyku abychodu sankcyj, apierataram JEZ, jakija naležać 25% abo bolš biełaruskaj fizičnaj abo jurydyčnaj asobie, pavinna być zabaroniena stanavicca aŭtatranspartnym pradpryjemstvam abo pieravozić tavary aŭtamabilnym transpartam u ES, u tym liku tranzitam», — dadali ŭ dakumiencie.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary