Ejsmant adreahavała na publikacyi pra svaju majomaść: My ŭ ich vyjhrali b luby sud
Pierad aficyjnymi ŚMI staić zadača farmiravać u ludziej «imunitet da infarmacyjnych napadaŭ i ŭkidaŭ». Pra heta zajaviła Natalla Ejsmant u efiry pieradačy «Skažyniemaŭčy» na telekanale «Biełaruś 1».
Pavodle jaje słoŭ, u apazicyjnych ŚMI i na ekstremisckich resursach «časta źjaŭlajucca fejki i tak zvanyja rasśledavańni».
«Niama pra što pisać — treba prydumvać, chłusić i vydumlać. Što tyčycca mianie i što tyčycca našaj siamji, ja skažu prosta: my ŭ ich vyjhrali b luby sud. Jany chłusiać, jany sami heta vydatna viedajuć. Ale što z hetym zrabić, — skazała Natalla Ejsmant. — My, kali kazać pra asabistaje, na žal, pryvykli z hetym žyć, hetaj źjavie ŭžo nie adzin hod».
«A kali havaryć pa-dziaržaŭnamu, to my pavinny z hetym pracavać. I Łukašenka pastaviŭ zadaču, my pavinny jaje vykonvać: farmiravać u našych ludziej imunitet da ŭsich hetych infarmacyjnych pracesaŭ i ŭkidaŭ», — dadała pres-sakratar.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary