Natalla Ejsmant sabrałasia pisać knihu: My pavinny pakinuć praŭdu, bo našy vorahi taksama napišuć
«My ž usie razumiejem, nakolki heta važna», — upeŭnienaja pres-sakratarka Łukašenki.
Pres-sakratar Łukašenki Natalla Ejsmant spadziajecca i vieryć, što kali-niebudź ubačyć śviet kniha abo sieryja knih pad aŭtarstvam Alaksandra Łukašenki pra jaho žyćcio i prezidenctva. Pra heta jana zajaviła ŭ pieradačy «Skažyniemaŭčy» na «Biełaruś 1».
«Ja ciapier vielmi ryzykuju, ahučvajučy hetuju reč u publičnaj prastory. Ale vielmi mnohija ludzi da mianie źviartajucca z pytańniem pra knihu, jakuju napisaŭ by Łukašenka. Zrazumieła, što ciapier nie da knih, i zrazumieła, što ciapier my navat nie padstupajemsia da jaho z hetym pytańniem. Ale my ž usie razumiejem, nakolki heta važna. Heta pieršy prezident našaj krainy.
I toje, što viedaje jon, naturalna, nie viedaje nichto. Ja vielmi spadziajusia, vielmi ŭ heta vieru, što takaja kniha abo šerah knih kaliści ŭbačać śviatło. U patrebny momant. Usio pavinna adbyvacca svoječasova», — skazała pres-sakratar.
Adkazvajučy na pytańnie, ci nie ŭźniknie ŭ samoj Natalli Ejsmant žadańnia napisać miemuary i raskryć u ich tyja ci inšyja padrabiaznaści, jana nie vyklučyła, što takoj knizie być.
«Ja b nie skazała «miemuary». Kali kazać pra knihu, moža być, śmieła dzieści zajaŭlu: kali ŭsio budzie narmalna, to knizie być. Dakładna nie tamu, što mnie chočacca pajści ŭ niejkaje piśmieńnictva, heta dakładna nie. Ale ja vydatna razumieju važnaść hetaha momantu.
Ja vydatna razumieju, što našy vorahi raskažuć i napišuć, i pakinuć paśla siabie ŭsiu tuju chłuśniu, jakaja i siońnia na nas vylivajecca. My pavinny, abaviazanyja havaryć kaliści. Kali zmožam heta kazać, kali nam dazvolać pra heta kazać, i momant nastupić. My abaviazanyja pakinuć paśla siabie praŭdu, abaviazanyja jaje zachavać», — zajaviła Natalla Ejsmant.
Ejsmant adreahavała na publikacyi pra svaju majomaść: My ŭ ich vyjhrali b luby sud
Čamu Łukašenka stolki hadoŭ trymaje pres-sakratarkaj Natallu Ejsmant?
Harcujeva: Ja była śviedkaj na viasielli Ejsmant. Ciapier nie viedaju, ci zmahu pahladzieć joj u vočy
Prapahanda sprabuje admyć Natallu Ejsmant: kažuć, što jaje «Roleks» kaštuje $100
Pres-sakratarka Łukašenki nosić hadzińnik za 20 tysiač jeŭra
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary