«Na hetym napramku źjavilisia razychodžańni ŭ stratehičnym bačańni šlachoŭ dasiahnieńnia metaŭ demruchu», — napisaŭ jon u fejsbuku.
Namieśnik Cichanoŭskaj Valer Kavaleŭski pakinuŭ pasadu, pra svajo rašeńnie jon paviedamiŭ u fejsbuku.
«Pavažanyja biełaruski i biełarusy, siońnia ja prymaju rašeńnie ab składańni ź siabie abaviazkaŭ namieśnika kiraŭnicy i pradstaŭnika pa zamiežnych spravach u Abjadnanym pierachodnym kabiniecie. Na hetym napramku źjavilisia razychodžańni ŭ stratehičnym bačańni šlachoŭ dasiahnieńnia metaŭ demakratyčnaha ruchu, u arhanizacyi i taktycy viadzieńnia pracy, a taksama ŭ padychodach da ŭnutranaj palityki», — napisaŭ jon.
«Za try z pałovaj hady majoj pracy ŭ Ofisie Śviatłany Cichanoŭskaj i ŭ Abjadnanym pierachodnym kabiniecie zroblena šmat źmiastoŭnaj pracy ŭ źniešniaj palitycy i dypłamatyi: ustalavańnie novych prafiesijnych suviaziaŭ, adnosinaŭ davieru i supracy z uradami i mižnarodnymi arhanizacyjami, raspracoŭka i prasoŭvańnie novych padychodaŭ da abarony niezaležnaści našaj krainy, stvareńnie ŭnikalnych miechanizmaŭ mižnarodnaj supracy na karyść biełaruskich nacyjanalnych intaresaŭ, infarmavańnie dypłamatyčnych, ekśpiertnych i palityčnych kołaŭ ab situacyi ŭ Biełarusi, uzmacnieńnie palityčnaha i sankcyjnaha cisku, mabilizacyja dapamohi dla ŭsiaho ruchu, vyrašeńnie praktyčnych prablem u halinie mihracyi, umacavańnie supracy pamiž demakratyčnymi instytutami.
Ja ŭdziačny Śviatłanie Cichanoŭskaj za davier i kaleham pa ruchu i mižnarodnym partnioram za plonnuju supracu pa hetych napramkach», — dadaŭ jon.
«Pierakanany, što mižnarodnaja dziejnaść pavinna być tolki dadatkam da pracy pa dasiahnieńni źmienaŭ u Biełarusi. Mienavita praca ź biełaruskimi hramadzianami, ź biełaruskim biźniesam, ź biełaruskimi palityčnymi strukturami i hramadskimi inicyjatyvami źjaŭlajecca najskładaniejšym, ale i najbolš abhruntavanym i pierśpiektyŭnym šlacham dasiahnieńnia metaŭ ruchu: abarony niezaležnaści Biełarusi, adnaŭleńnia dziaržaŭnaha suvierenitetu, ustalavańnia kanstytucyjnaha paradku ŭ našaj krainie i pierachodu da demakratyčnaj formy kiravańnia», — reziumavaŭ palityk.
Kavaleŭski piarečyć Łatušku i raskazvaje, što zapavolvaje praces z pašpartam Novaj Biełarusi
Valer Kavaleŭski prakamientavaŭ rasśledavańnie BRC, datyčnaje prajekta pašparta Novaj Biełarusi
Valer Kavaleŭski raskazaŭ, jak možna paźbiehnuć žaleznaj zasłony
Kavaleŭski adkazaŭ na vosiem haračych pytańniaŭ pra pašpart Novaj Biełarusi
Ciapier čytajuć
Ci zakryjuć Jeŭropu dla biełarusaŭ? Daradca Cichanoŭskaj raspavioŭ, pra što damoviŭsia ŭ Bierlinie12
Kamientary