Travień 2024 hoda staŭ samym ciopłym miesiacam za ŭsiu historyju mieteanazirańniaŭ u śviecie i dvanaccatym rekordna ciopłym miesiacam zapar. Siaredniaja tempieratura na płaniecie była na 1,52 hradusy vyšej, čym u siarednim za pieryjad z 1850 pa 1900 hod, da pačatku industryjalizacyi, piša «Dzikaja pryroda pobač».
Zdajecca, što 1,5 hradusa — niaznačnaja vieličynia. Ale dla płaniety kožnaja dziasiataja dola hradusa — heta parušeńnie raŭnavahi, jakaja ŭstajałasia za miljony hadoŭ, i časta — katastrafičnyja vyniki dla cełych rehijonaŭ.
Na minułym tydni na Maskvu i Padmaskoŭje navaliŭsia atłantyčny cykłon «Edhar» z navalnicaj, hradam i śmierčami, zahinuli dva čałavieki. A ŭ Mieccy z-za anamalnaj śpioki zahinuła bolš za 1000 čałaviek. Tempieratura pavietra tam dasiahała rekordnych 51,8 hradusa. I padobnyja źjavy nazirajucca pa ŭsim śviecie.
Vučonyja papiaredžvajuć: kali čałaviectva nie znojdzie sposab hłabalna skaracić vykidy parnikovych hazaŭ, klimat budzie praciahvać bić histaryčnyja rekordy i vyklikać jašče bolš ekstremalnych źjaŭ nadvorja.
Ciapier čytajuć
Alaksandra Šakucina adpuścili paśla troch sutak u SIZA2
Alaksandra Šakucina adpuścili paśla troch sutak u SIZA
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary
U siaredniavieččy byli i paciapleńni, kali niejkaja lasy raśli ŭ Isłandyi i hrenłandyi i pachaładańni. 10 tys hadoŭ tamu ŭvohule ŭ jaŭropie było abledzianieńnie, u Połacku tundra była